Муса Җәлил мемориаль музее (Минзәлә)
| Муса Җәлил мемориаль музее | |
|---|---|
| |
| Нигезләү датасы | 1970 |
| Урын | 423700 ТР, Минзәлә, Муса Җәлил ур., 18. |
| Директор | Лариса Александр кызы Карамова Алсу Василий кызы Григорьева (филиал мөдире) |
| Сайт | Музей сайты |
 Тышкы рәсемнәр
| |
|---|---|
|
Музейдан фотосурәтләр. |
Муса Җәлил мемориаль музее (рус. Мемориальный музей Мусы Джалиля) — Татарстанның Минзәлә шәһәрендә урнашкан муниципаль мәдәният оешмасы (музей). Минзәлә туган якны өйрәнү музее филиалы. Күренекле татар совет шагыйре Муса Җәлилнең (Муса Мостафа улы Җәлилов, 1906—1944) тормышы һәм иҗаты, шулай ук Минзәләдә булу көннәре белән таныштыра.
Тарих[үзгәртү | вики-текстны үзгәртү]
Муса Җәлил Минзәлә педагогика укуханәсендә урнашкан Кызыл гаскәр сәяси хезмәткәрләре өчен ачылган хәрби-сәяси курсларда 1941 елның 7 ноябреннән 1942 елның 1 гыйнварына кадәр (56 көн) була[1].
1970 елның 3 мартында укуханәнең бер сыйныф бүлмәсендә музей ачылган. Музейны нигезләүчеләр — көллият директоры И. Б. Уткин, татар теле укытучысы М. Г. Гарифуллин, көллият укытучысы Васил Һади улы Һадиев (Хадиев, 1929—1996). В. Һ. Һадиев — музейның беренче директоры.
1991 елдан — ТР милли музее, 2010 елдан — Минзәлә туган якны өйрәнү музее филиалы[2].
Экспонатлар[үзгәртү | вики-текстны үзгәртү]
Музей Минзәлә педагогика көллиятенең бер аудиториясен алып тора. Әлеге бина — республика дәрәҗәсендәге архитектура һәм тарих һәйкәле. Музей бүлмәсенең мәйданы 70 кв. м. Музей фондында 2 394 саклау берәмлеге: сугыш чоры йорт кирәк яраклары һәм документлар, «Кар десанты» эзтабарлар оешмасы сугыш кырларыннан алып кайткан ядкарьләр, Муса Җәлил әсәрләре урын алган.
Экспозиция М. Җәлил замандашлары истәлекләре нигезендә төзелгән. 1941 елда хәрби-сәяси курслар дәресләре үткәрелгән сыйныф бүлмәсе, шагыйрь еш кына кунакка барган Сабировлар йортының эчке күренеше торгызылган.
Экскурсияләр[үзгәртү | вики-текстны үзгәртү]
- Шагыйрь булып тусаң – каһарман данын яуларга кирәк. Муса Җәлилнең тормыш юлы.
- Был вашей теплою кровлею храним. Шагыйрьнең Минзәлә белән бәйле тормышы һәм иҗаты.
- Муса Җәлил һәм аның фашизмга каршы көрәшкән иптәшләре.
- Шагыйрьнең балачагы һәм яшүсмер чоры.
Музей дәресләре[үзгәртү | вики-текстны үзгәртү]
- «Шарлы яшен» операциясенең тар-мар ителүе. Бөек Ватан сугышы елларында Белоруссия партизан отрядларында татарлар.
- Бер кем дә, бернәрсә дә онытылмады. Сәяси репрессияләр корбаннары турында.
- Бер экспонат тарихы
Сылтамалар[үзгәртү | вики-текстны үзгәртү]
- Мемориальный музей Мусы Джалиля. Музеи России(рус.)
- Муса Җәлил музее. Минзәлә педагогика көллиятенең «Татарстан Республикасында электрон мәгариф» порталындагы сәхифәсе
- Достопримечательности города Мензелинск (Татарстан). cityattr.ru(рус.)
