Бөек Ватан сугышы һәм Туган якны өйрәнү музее (Сарман)

Wikipedia — ирекле энциклопедия проектыннан ([http://tt.wikipedia.org.ttcysuttlart1999.aylandirow.tmf.org.ru/wiki/Бөек Ватан сугышы һәм Туган якны өйрәнү музее (Сарман) latin yazuında])
Навигациягә күчү Эзләүгә күчү
Бөек Ватан сугышы һәм Туган якны өйрәнү музее
Сарман музее.jpg
Нигезләү датасы 2006
Урын 423350 ТР, Сарман, Куйбышев ур., 31 А / 1
Директор Дания Мәмдух кызы Кәшипова
Сайт Музей сайты

Сарманның Бөек Ватан сугышы һәм Туган якны өйрәнү музее (рус. Сармановский музей Великой Отечественной войны и краеведения) — Татарстанның Сарман районы үзәге Сарман авылында урнашкан муниципаль мәдәният оешмасы (музей). 20062009 еллардаТатарстан Республикасы Милли музееның филиалы. Төбәктә яшәүче татарларның, шул исәптән керәшеннәрнең, русларның көнкүреше, мәдәнияте һәм гореф-гадәтләре белән таныштыра.

Images.png Тышкы рәсемнәр
Image-silk.png Музейдан фотосурәтләр.

Тарих[үзгәртү | вики-текстны үзгәртү]

Музейга 2006 елда Татарстан Республикасы Милли музееның филиалы - Сарманның туган якны өйрәнү музее буларак нигез салына. 2009 елда исеме «Бөек Ватан сугышы һәм Туган якны өйрәнү музее»на үзгәртелә, юридик зат булып теркәлә, үз уставы буенча эшли башлый. 2010 елның 9 маенда, Бөек Җиңүнең 60 еллыгын һәм Сарман районы оешуның 80 еллыгын бәйрәм иткәндә яңартылган бинаның яртысында (элекке район пионерлар йорты) рәсми рәвештә ачыла.

Тасвирлама[үзгәртү | вики-текстны үзгәртү]

Музей фондында 2 223 саклау берәмлеге. 315 саклау берәмлегеннән торган бай этнографик коллекция. Экспозиция мәйданы — 95 кв. м. Күргәзмәләр төбәкнең тарихы, район үсеше, Сарман җиренең үзенчәлекләре, табигый байлыклары белән таныштыра. Сарман янындагы «Бакыр базы» туристлар комплексын карау да музей вазифасына керә[1]. Сугыш ветераннарына һәм тыл батырларына, Сарманның күренекле кешеләренә багышланган күргәзмәләр, район конкурслары, мастер-класслар үткәрелә. Сарман символикасы төшерелгән сувенирлар сатып алу мөмкинлеге булдырылган.

Музей үзенең эшчәнлеген ике юнәлештә алып бара: Бөек Ватан сугышы һәм Туган якны өйрәнү. Экспозицияләр дүрт залда: Сугышчан Дан залы, Хезмәт Даны залы, Туган якны өйрәнү залы, Мәгълүмати-күргәзмә залларында урнашкан. ТР милли музее, «Казан Кремле» тарихи-музей тыюлыгыннан күчмә күргәзмәләр килеп тора. Күпчелек күргәзмәләр үз фонды экспонатларыннан оештырыла.

Экспозициядә күпсанлы фотолардан торган стенд, алман солдатының җир астында ятып күгәргән тишек каскасы, штык-пычак, котелок, гильзалар, автомат, пулемет, сугыш чорына караган хәрби киемнәр, фронт хатлары, фронтовиклар хакындагы истәлекләр һ. б. күрсәтелә.

Советлар Берлеге Каһарманы Александр Казаковка аерым стенд багышланган.

Экскурсияләр[үзгәртү | вики-текстны үзгәртү]

  • Туган як тарихы (музей буенча гомуми экскурсия).
  • Сарман – туган ягым (Сарман авылы буенча җәяүле экскурсия, шулай ук Сарман авылы тирәсендәге, ял итү зоналары булган «Кара-каршы», «Бүзат» чишмәләрендә һәм Бакыр базы мәгарәсе-бакыр мәгъдәнлегендә булу каралган)

Әдәбият[үзгәртү | вики-текстны үзгәртү]

  1. Илсөяр Гарипова, Гөлсинә Хәмидуллина. Биредә тарих җанлана, хәтер уяна. «Түгәрәк уен», 2017 ел, № 4. 26-27нче бит.

Сылтамалар[үзгәртү | вики-текстны үзгәртү]

Искәрмәләр[үзгәртү | вики-текстны үзгәртү]