Микъдәт Борындыков

Микъдәт Борындыков
Микъдәт Борындыков
Туган телдә исем	Микъдәт Юныс улы Борындыков
Туган	15 гыйнвар 1896; Сарытау губернасы, Күзнәй өязе, Дөмавыл
Үлгән	1965; Сәмәрканд, Үзбәкстан ССР
Яшәгән урын	Пермь; Казан; Мәскәү; Казан; Архангельск; Сәмәрканд
Милләт	татар
Ватандашлыгы	Россия империясе; СССР
Әлма-матер	Казан Татар укытучылар мәктәбе һәм Чугуев хәрби училищесы[d]
Һөнәре	дәүләт эшлеклесе, сәясәтче
Эш бирүче	Үзәк мөселман хәрби коллегиясе, Бөтенроссия баш штабы[d], Эшче-крестьян инспекциясе[d], РСФСР Милләтләр эшләре халык комиссариаты[d], Татарстан Республикасы Мәгариф һәм фән министрлыгы, ССРБ Дәүләт банкы[d], БСЭ1/Кожсиндикат[d] һәм Казан утлары
Сәяси фирка	Советлар Берлеге коммунистик фиркасе

Борынды́ков Микъдәт Юныс улы (1896 – 1965), сәясәт эшлеклесе.

Тәрҗемәи хәле

Казан татар укытучылар мәктәбен (1915), Чугуев хәрби училищесен (1916) тәмамлый. 1917 елда Россия армиясендә, прапорщик.

1917 нең декабрендә большевикларга кушыла, 1918-29 да ВКП(б) әгъзасы. 1918 дә Пермь губернасы мөселман хәрби коллегиясе рәисе, 1919 да губернаның милләтләр эше бүлегендә нәшрият мөдире, татарча чыккан «Коммунист» газетасы мөхәррире, татар коммунистларының Вятка губернасы бюросы әгъзасы.

1920-21 елларда Үзәк мөселман хәрби коллегиясенең хәрби җитәкчесе (Казан). 1921-22 дә Мәскәүдә: Бөтенрусия баш штабында оештыру идарәсенең Көнчыгыш бүлеге башлыгы, Эшче-крәстияннәр инспекциясе һәм милләтләр эшләре халык комиссарының шәхси секретаре. 1922-24 тә ТАССР мәгариф халык комиссары, 1925-27 дә СССР Дәүләт банкының Татарстан бүлеге җитәкчесе, 1927-29 да «Кожсиндикат»ның Татарстан бүлеге директоры. ТАССР Үзәк Башкарма Комитеты президиумы әгъзасы, галимнәрнең көнкүрешен яхшырту комиссиясе рәисе, «Безнең юл» журналы мөхәррире.

1930 да нахакка кулга алына һәм 5 елга хезмәт лагерена озатыла, иреккә чыкканнан соң, Архангельск шәһәрендә яши: 1938 дә хезмәт колониясе уку-укыту комбинаты директоры. 1938 нең июлендә кабат кулга алына («Милләтчеләрнең Совет хакимиятенә каршы оешмасы» эше); 8 елга хөкем ителә; иреккә чыккач, Сәмәркандта педагогик эштә була.

1989 елда вафатыннан соң аклана.

Гаилә хәле

Хатыны Суфия Ерзина, Мирсәет Солтангалиевның балдызы (хатыны Ф. Ерзинаның бертуганы)^[2].

Әдәбият

Султанбеков Б. Ф., Малышева С. Ю. Трагические судьбы: Научно-популярные очерки. Казань, 1996;
Книга Памяти жертв политических репрессий. Казань, 2001. Т. 2.

Чыганак

Татар энциклопедиясе. Казан, 2008.(үле сылтама)

Искәрмәләр

↑ ^1,00 ^1,01 ^1,02 ^1,03 ^1,04 ^1,05 ^1,06 ^1,07 ^1,08 ^1,09 ^1,10 ^1,11 ^1,12 ^1,13 https://100tatarstan.ru/structure/profile/brundukov-borindikov-mikdat-yunusovich_2676737
↑ Рабит Батулла. Урыннары җәннәттә булсын. К.: «Рухият» нәшрияты, 2007. 180нче биттә. ISBN 978-5-89706-109-9

[_d2fa7d6da56dbfe8-1] 1,00 ^1,01 ^1,02 ^1,03 ^1,04 ^1,05 ^1,06 ^1,07 ^1,08 ^1,09 ^1,10 ^1,11 ^1,12 ^1,13 https://100tatarstan.ru/structure/profile/brundukov-borindikov-mikdat-yunusovich_2676737

[2] Рабит Батулла. Урыннары җәннәттә булсын. К.: «Рухият» нәшрияты, 2007. 180нче биттә. ISBN 978-5-89706-109-9

[1]

[2]