Нәфис Закиров

Wikipedia — ирекле энциклопедия проектыннан ([http://tt.wikipedia.org.ttcysuttlart1999.aylandirow.tmf.org.ru/wiki/Нәфис Закиров latin yazuında])
Навигациягә күчү Эзләүгә күчү
Нәфис Закиров
Н.А.Закиров.jpg
Туган телдә исем Нәфис Абдулкасыйм улы Закиров
Туган 27 ноябрь 1957(1957-11-27) (64 яшь)
СССР, РСФСР, ТАССР, Бөгелмә
Милләт татар
Ватандашлыгы ССБР байрагы СССР
Русия байрагы РФ
Һөнәре инженер, фирка эшлеклесе, район башлыгы
Бүләк һәм премияләре «Татарстан Республикасы алдындагы казанышлар өчен» ордены медале - 2017
Татарстанның атказанган авыл хуҗалыгы хезмәткәре

Нәфис Закиров, Нәфис Касыйм (Абдулкасыйм) улы Закиров (1957 елның 27 ноябре, СССР, РСФСР, ТАССР, Бөгелмә) – фирка һәм хуҗалык эшлеклесе, техник фәннәр кандидаты, 2006-2014 елларда Татарстанның Сарман районы хакимияте башлыгы. Татарстанның атказанган авыл хуҗалыгы хезмәткәре.

Тәрҗемәи хәле[үзгәртү | вики-текстны үзгәртү]

1957 елның 27 ноябрендә Татарстан АССР Бөгелмә шәһәрендә механик-машина йөртүче гаиләсендә туган. Бөгелмәдә урта мәктәп (1975), Бөгелмә индустриаль-педагогика техникумын (1980), «инженер-механик» белгечлеге буенча Казан авыл хуҗалыгы институтын (1985) бик яхшыга тәмамлаган. Техник фәннәр кандидатлыгына диссертация яклаган (фәнни җитәкчесе – МАИ академигы, Татарстан Республикасының атказанган фән эшлеклесе, техник фәннәр докторы, профессор Матяшин Ю. И.). Диссертацияне уңышлы яклап, 2216137 номерлы «Туфрак эшкәртү фрезасы» патенты алган [1]. 1976-1978 елларда Совет Армиясендә хәрби хезмәт үтә.

Хезмәт юлы[үзгәртү | вики-текстны үзгәртү]

1985 елдан ― «Сельхозтехника»ның Бөгелмә берләшмәсендә: 1985―1991 елларда өлкән инженер, 1991―1996 елларда берләшмәнең генераль директоры.

1996-1997 елларда ― Татарстанның Бөгелмә районы авыл хуҗалыгы һәм азык-төлек идарәсе башлыгы.

1997-1999 елларда ― Бөгелмә районы хакимият башлыгының беренче урынбасары.

1999 елда ― «Татарстан сөте» АҖ Бөгелмә сөт заводы директоры.

1999 елның августыннан Татарстанның Сарман районында: 12 августтан Сарман районы администрациясе башлыгы, халык депутатларының район Советы рәисе. 2006―2014 елларда Сарман муниципаль районы башлыгы. «Район башлыгы булып эшләгән елларда Нәфис Абдулкасыйм улы Сарманны республика рейтингында үз составында шәһәр һәм авыл халкы булган районнар арасында өченче урынга чыгарды» (Илдар Халиков) [2].

В. Д. Шашин исемендәге «Татнефть» ГАҖ дәүләт хакимияте органнары белән хезмәттәшлек итү хезмәте җитәкчесе.

2021 елның 13 декабренә кадәр – «Союз-Агро» ҖЧҖ җитәкчесе [3].

Җәмәгать эшчәнлеге[үзгәртү | вики-текстны үзгәртү]

2000―2004 елларда ― II чакырылыш Татарстан Республикасы Дәүләт Советы депутаты.

Бүләкләре, мактаулы исемнәре[үзгәртү | вики-текстны үзгәртү]

Гаиләсе[үзгәртү | вики-текстны үзгәртү]

Ике кызы.

Әдәбият[үзгәртү | вики-текстны үзгәртү]

Сылтамалар[үзгәртү | вики-текстны үзгәртү]

Искәрмәләр[үзгәртү | вики-текстны үзгәртү]

  1. Закиров Нафис Абдулкасимович. Татары без границ
  2. Асхат Идиятуллин. Рулить Сармановским районом поручено шурину министра экологии РТ. Бизнес-онлайн, 20.11.2014
  3. Закиров Нафис Абдулкасимович. Аудиторская фирма «Авдеев и Ко»
  4. Признание заслуг. Казань Без Формата(рус.)