Олег Ханов

Олег Ханов
Туган телдә исем	Олег Закир улы Ханов
Туган	11 август 1951(1951-08-11) (71 яшь) БАССР Архангель районы Кызгы авылы
Милләт	башкорт
Ватандашлыгы	ССРБ ССРБ → Русия Русия
Әлма-матер	Уфа дәүләт сәнгать институты
Һөнәре	актер, режиссер
Бүләк һәм премияләре	(1981) РФ дәүләт премиясе (1995)

Олег Ханов (Олег Закир улы Ханов, баш. Олег Закир улы Ханов) — театр һәм кино актеры, театр режиссеры, М. Гафури исемендәге Башкорт дәүләт академия драма театрының сәнгать җитәкчесе (2012—2019), РФ дәүләт премиясе (1995), Башкортстан АССРның Салават Юлаев премиясе (1981), Станиславский исемендәге халыкара премия (2014) лауреаты, Петр фән һәм сәнгать академиясе мөхбир-әгъзасы (2005), профессор (2005). РСФСР атказанган (1987), БАССР халык артисты (1983).

Тәрҗемәи хәле

«Ак пароход» спектакле афишасы. Ч.Т. Айтматов әсәре

Олег Ханов

Олег Ханов

1951 елның 11 августында БАССР Архангель районы Кызгы авылында туган. Уфа дәүләт сәнгать институтын (Г. Гыйләҗев, Ф. Касыймова курсы) тәмамлаган (1973).

Хезмәт юлы

• 1973 елдан М. Гафури исемендәге Башкорт дәүләт академия драма театрында эшли.
• 1989-1993 Республика яшь тамашачылар театрында (хәзер БР М. Кәрим исемендәге милли яшьләр театры) сәнгать җитәкчесе.
• 1983-1999 БАССР (БР) театр әһелләре берлеге идарәсе рәисе.
• «Сатирикон» театрында (Мәскәү) эшли.
• 2000-2009 Ырынбурда М. Горький исемендәге Ырынбур өлкә драма театрында актер һәм режиссер. Ырынбур сәнгать институтында укыта.
• 2009- 2012 Салават дәүләт башкорт театры баш режиссеры.
• 2012—2019 елларда М. Гафури исемендәге Башкорт дәүләт академия драма театры сәнгать җитәкчесе.

Иҗаты

Актер амплуасы күпкырлы: трагедия каһарманнарын да, комедия каһарманнарын да бердәй уңышлы уйный. Башкорт теленә пьесалар тәрҗемә итә.

Уйнаган рольләре

Гафури театрында

• Ричард Галин «Айгөл иле» М. Кәрим
• Мәхмүт «Җәяүле Мәхмүт» М. Кәрим
• Әдамшаһ «Ташлама утны, Прометей» М. Кәрим
• Шомбай «Шомбай» К. Мәргән
• Мулла «Зәңгәр шәл» К. Тинчурин
• Сандро «Айсылуның айлы кичләре» И. Абдуллин
• Кендек «Озын-озак балачак» М. Кәрим
• Мулино «Хатын-кыз тегүчесе» (Дамский портной) Ж. Фейдо
• Мөэмүн бабай «Ак пароход» Ч. Айтматов

Ырынбур өлкә театрында

• Наполеон («Корсика кызы», И. Губач)
• Ямчы, Хлопуша, Күзгә күренми торган кеше («Капитан кызы», А. С. Пушкин)
• Фредерик Леметр («Фредерик, яки Җинаятьләр бульвары», Э.-Э. Шмит)
• Мулино («Хатын-кыз тегүчесе», Ж. Фейдо)
• Бруно («Миһербанлы мөгез йөртүче», Ф. Кроммелинк)
• Акыл иясе («Өченче әтәчләргә кадәр», В. М. Шукшин)

Сатирикон театрында

• Полоний («Гамлет», У. Шекспир, Роберт Стуруа куелышында)

Куйган спектакльләре

Туймазы татар театрында

• 1998 «Мәкер һәм мәхәббәт» (Коварство и любовь) Ф. Шиллер — II Россия кече шәһәр театрлары фестивалендә (Мәскәү) катнаша.
• 2000 «Онытылган» (Всеми забытый) Назыйм Хикмәт — Россия-Төркия театр һәм заманча драматургия фестивалендә (Әнкара) катнаша.
• 2003 «Гамлет» У. Шекспир — V Россия кече шәһәр театрлары фестивалендә катнаша (Лысьва).

Башкорт ТЮЗында

• «Бернард Альба йорты» (Ф. Гарсиа Лорка)

Салават драма театрында

• 2005 «Зәйтүнгөл» Н. Асанбаев
• 2006 «Шулай булды шул» Т. Миңнуллин
• 2007 «Соңлаган мәхәббәт» (Поздняя любовь) А.Н. Островский
• 2008 «Аккош җыры» (Лебединая песня) А.П. Чехов
• 2009 «Анакай » (Мамуля) С. Белов
• 2009 «Ул кайтты» Ә. Атнабаев
• 2010 «Шайтан коткысы» (Бес в ребро) М. Багаев
• 2010 «Риваять» Т. Миңнуллин
• 2011 «Чияле тау» Н. Асанбаев
• 2012 «Ак тәүбә, кара тәүбә» Т. Миңнуллин һ. б.

Гафури театрында

• 2012 «Бирнәсез кыз» (Бесприданница) А.Н. Островский
• 2013 «Мактымсылу, Әбләй һәм Кара юрга» Таңчулпан Гарипова
• 2014 «Ялгызлык ташы» Ә. Гаязов
• 2014 «Гафу ит мине» (Прости меня!) И. Герман
• 2015 «Каһым түрә» Б. Бикбай, Х. Иргалин

Фильмография

• 1981 Ханьяр роле — «Алтын атлы җайдак» (Всадник на золотом коне), «Мосфильм» (реж. Василий Журавлев).

Катнашкан фестивальләре

• 2007 «Кырым көймәсе» (Крымский ковчег) фестивале (Акмәчет, Украина) — Наполеон роле (Иржи Губач «Корсикан кызы»).
• 2008 IV «Синең шанс» (Твой шанс) театр мәктәпләре фестивале (Мәскәү) — Сарафанов роле (А. Вампилов, «Өлкән абый» (Старший брат) һәм режиссер-педагог.
• 2008 IX Волков фестивале (Ярославль) — Арбенин роле (М.Ю. Лермонтов, «Балмаскарад»). «Иң яхшы ир-ат роле» номинациясендә җиңүче.
• 2009 III Н.Х. Рыбаков исемендәге фестиваль (Тамбов) — «Россия актеры» мактаулы исеменә лаек була.
• 2009 «Театр язы» фестивале (Уфа) — «Ул кайтты» спектакле (Әнгам Атнабаев әсәре) белән катнаша.
• 2010 VIII кече шәһәрләр фестивале — Светловидов роле (А.П. Чехов, «Аккош җыры» (Лебединая песня) һәм режиссер.
• Халыкара фестивальдә (Братислава, Словакия) «Авыл хикәятләре» спектаклен режиссер-куючы буларак тәкъдим итә.
• 2012 «Театр Олимпы» федераль фестивале (Сочи).

Бүләкләре, мактаулы исемнәре

• 1981 БАССР атказанган артисты.
• 1981 БАССРның Салават Юлаев премиясе (иҗат төркеме эчендә) — Кендек роле өчен («Язмышлардан узмыш юк» Мостай Кәрим әсәре, Рифкать Исрафилов куелышында).
• 1983 БАССР халык артисты.
• 1987 РСФСР атказанган артисты.
• 1996 РФ дәүләт премиясе (әдәбият һәм сәнгать өлкәсендә) — «Бибинур, һай, Бибинур!» спектаклендә (Ф. Бүләков әсәре, Рифкать Исрафилов куелышында) Габдрахман ролендә уйнаган өчен.
• 1994 А. Яблочкина исемендәге премия — «Миһербанлы мөгез йөртүче» (Великодушный рогоносец) (Ф. Кроммелинк әсәре, режиссер Рифкать Исрафилов) спектаклендәге Бруно роле өчен («Иң яхшы ир-ат роле» номинациясендә).
• 2003 Ырынбур губернаторының «Ырынбур лирасы» (Оренбургская лира) премиясе — Ротмистр роле өчен («Ата», А. Стриндберг).
• 2012 «Ырынбур лирасы» (Оренбургская лира) премиясе — Ричарда III роле өчен(«Ричард III» У. Шекспир).
• 2014 Станиславский исемендәге халыкара премия.

Сылтамалар

• М. Гафури театрының рәсми сайты
• О.З. Ханов «Кино-театр.ру» сайтында