Әл-ислах (газета)

Wikipedia — ирекле энциклопедия проектыннан ([http://tt.wikipedia.org.ttcysuttlart1999.aylandirow.tmf.org.ru/wiki/Әл-ислах (газета) latin yazuında])
(«Әл-ислах» газетасы битеннән юнәлтелде)
Навигациягә күчү Эзләүгә күчү
Әл-ислах

Нәшер итүче

Фатих Әмирхан

Штат корреспондентлары

Габдулла Тукай, Фатих Әмирхан, Вафа Бәхтияров

Нигезләнде

1907

Сәяси тараф

милли-демократик

Тел

татар теле

Публикацияләр туктату

1909, 22 июль

Төп офис

Казан

«Әл-ислах» (Реформа) — 1907-1909 елларда Казанда нәшер ителгән татар милли-демократик газетасы. Рәсми мөхәрире Вафа Бәхтияров булса да, чынлыкта бу вазифаны Габдулла Тукай белән Фатих Әмирхан үтиләр.

Тасвирлама[үзгәртү | вики-текстны үзгәртү]

Беренче саны 1907 ел 3 октябрь көнне чыккан. Газета уку-укыту, тәрбия, әдәбият, мәдәният һәм мәдрәсәләргә реформа ясау мәсьәләләре турында күп яза, реформа даулаган шәкерт дөньясының үзенә күрә бер матбугат органы булып хезмәт итә. Заманның көн үзәгендә торган сәяси-иҗтимагый мәсьәләләрдән бәхәс иткәндә киң демократия карашларын чагылдырган була.

«Әл-ислах» атнага бер тапкыр, 16 битлек булып чыккан. Матди ягы — шәкертләр акчасы, шуңа күрә язышучыларга гонорар түләнмәгән диярлек.

Тарих[үзгәртү | вики-текстны үзгәртү]

1905 елның ноябреннән үк «Мөхәммәдия» мәдрәсәсе шәкертләре «Әл-ислах» исемле кулъязма, җилембасма (гектографта күбәйтелгән) газета чыгарганнар. Әлбәттә, ул регуляр тәртиптә чыкмаган. Ә 1907 елның 3 октябреннән рәсми теркәлгән, чын газета нәшер ителә башлый.

68 саны чыккач, 1909 елның 22 июлендә газета чыгудан туктый.

Чыганак[үзгәртү | вики-текстны үзгәртү]

Исмәгыйль Рәмиев, Рәис Даутов Әдәби сүзлек. — Казан: Татар. кит. нәшр., 2001. — бит 399.