Марат Нуриев
| Марат Нуриев | |
|---|---|
 | |
| Туган | 14 май 1966 (57 яшь) Шәмәк (Апас районы), Урта Балтай авыл җирлеге, Апас районы, Татарстан АССР, РСФСР, СССР |
| Ватандашлыгы |  Россия |
| Әлма-матер | Казан дәүләт архитектура-төзелеш университеты |
| Һөнәре | РФ Дәүләт думасы депутаты |
| Сәяси фирка | Бердәм Русия |
Марат Габделхәй улы Нуриев (1966 елның 14 мае, Шәмәк, Апас районы, Татарстан АССР, ССРБ) — Россия эшмәкәре, сәясәтче һәм җәмәгать эшлеклесе. VIII чакырылыш Россия Федерациясе Дәүләт Думасы депутаты, Төзелеш һәм торак-коммуналь хуҗалыгы комитеты әгъзасы[1]. VI чакырылыш Татарстан Республикасы Дәүләт Советы депутаты[2]. Татарстан Республикасының Атказанган торак-коммуналь хуҗалыгы хезмәткәре.
Тормыш юлы[үзгәртү | вики-текстны үзгәртү]
Марат Нуриев1966 елның 14 маенда Татарстан АССРның Апас районы Шәмәк авылында туа. 1983 елдан Апас районының Н. К. Крупская исемендәге колхозда тракторчы булып эшли.
1984—1986 елларда — Чехословакия (ЧССР) территориясендә Гаскәрләрнең үзәк төркемендә хәрби хезмәт үтә. 1986 елдан Апас районының «Сельхозхимия» берләшмәсендә тракторчы. 1989 елдан Казанның Вахитов районы торак хуҗалыгының җитештерү трестының ЖЭУ-8 слесарь-сантехнигы, 1990 елдан — ЖЭУ-49да инженер. 1995—2001 елларда — Вахитов районының «Казгоржилхоз» ҖБ идарәче урынбасары.
1999 елда «Су белән тәэмин итү һәм ташландык суларны агызу буенча инженер» белгечлеге буенча Казан дәүләт архитектура-төзелеш академиясен тәмамлаган[3].
2001 елдан 2002 елга кадәр — Вахитов районының «Жилсервис» автоном коммерцияле булмаган оешма директоры урынбасары. 2002 елдан — Яңа Савин районының «Жилсервис» директоры.
2002 елның 2 октябреннән — «Бердәм Россия» партиясе әгъзасы[4]. 2005 елдан 2019 елга кадәр 13 нче Ямашев сайлау округы буенча Казан шәһәр Думасының беренче, икенче һәм өченче чакырылыш депутаты итеп сайланган. Муниципаль органның шәһәр төзелеше һәм торак-коммуналь хуҗалык, шулай ук шәһәрлеләрнең сәламәтлеген һәм әйләнә-тирә мохитне саклау буенча комиссиясенә кергән[5].
2006 елдан 2021 елга кадәр — «Уютный дом» идарәче компаниясе» ҖЧҖ генераль директоры.
2019 елда Татарстан Республикасы Дәүләт Советының алтынчы чакырылышына сайлауларда катнашкан. Казан шәһәренең 7 нче номерлы Ибраһимов бермандатлы сайлау округы буенча «Бердәм Россия» партиясеннән сайланган. Торак сәясәте һәм инфраструктура үсеше буенча комитетка кергән.
2021 елда Россия Федерациясе Дәүләт Думасы депутаты итеп сайлана[6].
Бүләкләр[үзгәртү | вики-текстны үзгәртү]
- Россия Федерациясенең Атказанган торак-коммуналь хуҗалыгы хезмәткәре (2016);
- Татарстан Республикасының Атказанган торак-коммуналь хуҗалыгы хезмәткәре (2006);
- «Казанның 1000 еллыгы истәлегенә» медале (2005);
- «Татарстан Республикасы алдындагы казанышлар өчен» ордены медале (2021)[7].
Гаилә[үзгәртү | вики-текстны үзгәртү]
Өйләнгән, өч баласы бар. Улларының берсе — Айдар Нуриев, профессиональ автоузышчы, халыкара класслы спорт мастеры[7].
Искәрмәләр[үзгәртү | вики-текстны үзгәртү]
- ↑ Нуриев Марат Абдулхаевич (2021).
- ↑ Нуриев Марат Абдулхаевич (2021). әлеге чыганактан 2021-04-24 архивланды.
- ↑ Нуриев Марат Абдулхаевич (2021). әлеге чыганактан 2021-04-22 архивланды.
- ↑ Нуриев Марат Абдулхаевич (2021). әлеге чыганактан 2021-04-27 архивланды.
- ↑ Отчет депутата Казанской городской Думы I, II, III созывов Марата Нуриева (2019-02-13).
- ↑ Об установлении общих результатов выборов депутатов Госдумы РФ VIII созыва (24 сентября 2021).
- ↑ 7,0 7,1 Присвоение спортивных званий. Российская автомобильная федерация (2019-10). әлеге чыганактан 2019-10-08 архивланды.
Сылтамалар[үзгәртү | вики-текстны үзгәртү]
- Профиль Россия Федерациясе Федераль Собраниесе Дәүләт Думасы сайтында
- Профиль Бердәм Россия партиясе сайтында
- Профиль Бизнес Online сайтында
| Фото, видео һәм аудио |
|---|
| Федераль Мәҗлестә Татарстан вәкилләре | |||||||||||||||||
|---|---|---|---|---|---|---|---|---|---|---|---|---|---|---|---|---|---|
Дәүләт Думасы депутатлары   |
| ||||||||||||||||
Федерация Советы әгъзалары |
| ||||||||||||||||