Хафиз Салихов

Хафиз Салихов
Хафиз Салихов
Туган телдә исем	Хафиз Миргаҗәм улы Салихов
Туган	5 сентябрь 1950 (74 яшь); ССРБ, РСФСР, ТАССР, Сарман районы , Иске Әлмәт
Яшәгән урын	Чехов урамы, Казан
Милләт	татар
Ватандашлыгы	СССР→; РФ
Әлма-матер	А.Н. Туполев исемендәге Казан илкүләм тикшеренү техник университеты
Һөнәре	икътисадчы, министр
Балалар	кызлары Гүзәл, Эльмира
Ата-ана	Миргаҗәм (1916) (әти); Мөнәздәһә (1922) (әни);
Бүләк һәм премияләре	Казанның 1000 еллыгы истәлегенә медале; Татарстанның атказанган икътисадчысы
Гыйльми дәрәҗә:	физика-математика фәннәре докторы[d]
	Хафиз Салихов Викиҗыентыкта

Википедиядә Салихов фамилияле башка кешеләр турында мәкаләләр дә бар.

Хафиз Салихов, Хафиз Миргаҗәм улы Салихов (1950 елның 5 сентябре, ССРБ, РСФСР, ТАССР, Сарман районы, Иске Әлмәт) — ТР сәүдә һәм икътисади хезмәтттәшлек министры (1998—2007). РФ хөкүмәте каршындагы финанс университетының дәүләт-шәхси эшмәкәрләр партнерлыгы кафедрасы профессоры. Татарстанның атказанган икътисадчысы. Физика-математика фәннәре докторы.

Тәрҗемәи хәле

1950 елның 5 сентябренда ТАССР Сарман районы Иске Әлмәт авылында туган. Иске Әлмәт башлангыч, Рангазар сигезьеллык, Сарман урта мәктәпләрен (көмеш медальгә) тәмамлый. «Радиоэлектрон җиһазлар буенча инженер» белгечлеге буенча А.Н. Туполев исемендәге Казан авиация институтының радио-техника факультетын (1974), Джон Ф. Кеннеди исемендәге дәүләт идарәсе институтын, Һарвард институты (The John F. Kennedy School of Government at Harvard University) (2001) тәмамлаган.
Физика-математика фәннәре докторы (2010). Ярымүткәргечләр физикасы һәм икътисад буенча 80 фәнни хезмәте бар.

Хезмәт юлы

1974-1989 Чистяков исемендәге Казан югары хәрби-инженерлек укуханәсендә инженер, лаборатория мөдире булып эшли.
Казан авиация институтында укыта.
Финнәр белән уртак ширкәт оештырып, шунда эшли.
1984-1994 хуҗалык исәбендәге «Хезмәт күрсәтү үзәге» берләшмәсе генераль директоры.
1994-1998 ТР тышкы икътисади элемтәләр министрлыгы каршындагы (1997 елдан ТР министрлар кабинеты каршындагы) халыкара хезмәттәшлекне үстерү агентлыгы директоры.
1998-2001 ТР сәүдә һәм икътисади хезмәттәшлек министры.
2001-2007 ТР сәүдә һәм тышкы икътисади хезмәттәшлек министры.
Татарстан Суд департаменты идарәсе башлыгы.

Иҗтимагый эшчәнлеге

2007-2011 V чакырылыш РФ Дәүләт Думасы депутаты.
БМОның Европа икътисади комиссиясендә РФ вәкиле.
Татарстан җиңел атлетика федерациясе президенты^[2]

Гаиләсе

Энесе — Җәүдәт Салихов (1959).
Гаиләле, ике баласы (кызлары) бар.

Бүләкләре, мактаулы исемнәре

Татарстанның атказанган икътисадчысы.
2005 — «Казанның меңьеллыгы хөрмәтенә» медале (2005)
2010 — "Татарстан Республикасы каршындагы казанышлары өчен" ордены (2010).
2020 — Дуслык ордены (РФ) — «илнең мәдәни һәм тарихи мирасын саклау, арттыру һәм популярлаштыру буенча актив эшчәнлеге өчен, шулай ук күп еллык намуслы эшен билгеләп»^[3]