Айдар Метшин

Wikipedia — ирекле энциклопедия проектыннан ([http://tt.wikipedia.org.ttcysuttlart1999.aylandirow.tmf.org.ru/wiki/Айдар Метшин latin yazuında])
Навигациягә күчү Эзләүгә күчү
Айдар Метшин
Метшин Айдар Раисович (1).jpg
Туган 27 август 1963(1963-08-27) (57 яшь)
Түбән Кама, ТАССР, РСФСР, ССРБ
Әлма-матер Казан (Идел буе) федераль университеты
Һөнәре сәясәтче
Сәяси фирка Бердәм Россия
Җефет Наилә Камил кызы Метшина

Айдар Рәис улы Метшин (1963 елның 27 августы, Түбəн Кама, Түбән Кама районы, Татарстан АССР, РСФСР, СССР) — Россия дәүләт эшлеклесе, Түбән Кама районы (2006 елдан) һәм Түбән Кама шәһәре (2008 елдан) башлыгы. «Бердәм Россия» фракциясе әгъзасы[1]. Юридик фәннәр кандидаты.

Биография[үзгәртү | вики-текстны үзгәртү]

Айдар Метшин 1963 елның 27 августында Түбән Кама шәһәрендә туа. 1980 елдан «Түбәнкаманефтехим» ААҖ аппаратура җиһазларын ремонтлау буенча слесарь, аннары Псков өлкәсендә җәнлек совхозында инженер, баш инженер булып эшли. Түбән Камада кадрлар сәясәте һәм социаль мәсьәләләр белән шөгыльләнә.

1986 елда «Суыту һәм компрессор машиналары һәм җайланмалары» белгечлеге буенча С. М. Киров исемендәге Казан химия-технология институтын, 1996 елда «Юриспруденция» белгечлеге буенча В. И. Ульянов-Ленин исемендәге Казан дәүләт университетын тәмамлый.

1999 елда Түбән Кама Халык депутатлары берләштерелгән советы депутаты, шулай ук «Түбән Кама муниципаль районы» муниципаль берәмлеге Советы депутаты итеп сайлана. 2000—2006 елларда — «Түбән Кама нефть эшкәртү заводы» ААҖнең административ директоры»[2]. 2005 елда «Эшлекле идарә итү остасы» белгечлеге буенча Мәскәү Хезмәт һәм социаль мөнәсәбәтләр академиясен тәмамлый.

2006 елдан — Түбән Кама муниципаль районы Советы рәисе, «Түбән Кама муниципаль районы» муниципаль берәмлеге башлыгы. 2008 елда шәһәр Советы депутаты һәм Түбән Кама шәһәре мэры итеп сайлана. 2010 елның октябрендә шәһәр Советы сессиясендә кабат Түбән Кама мэры һәм муниципаль район башлыгы итеп сайлана[3].

2010—2013 еллар чорына Евроазиат региональ бүлегеннән Бөтендөнья советы әгъзасы[4], «Түбәнкаманефтехим» ААҖ директорлар советы әгъзасы[5].

Гаилә[үзгәртү | вики-текстны үзгәртү]

Айдар Метшин һәм Алексей Песошин

Айдар Метшин эшче гаиләдә үскән, әтисе — инженер, әнисе шәфкать туташы булып эшләгән.Ике абыйсы бар: Илсур МетшинКазан мэры һәм Айрат Метшин — «Түбән Кама нефтебазасы» ҖЧҖ директоры[6].

Хатыны — Наилә Камил кызы Метшина, «Старый Амбар» халык трактирлары челтәре һәм «Тимерхан» сәүдә компаниясе хуҗасы. Кызы — Алинә Метшина, улы — Морат Метшин.

Бүләкләр[үзгәртү | вики-текстны үзгәртү]

Искәрмәләр[үзгәртү | вики-текстны үзгәртү]

  1. Метшин Айдар Раисович Глава Нижнекамского муниципального района
  2. Метшин Айдар Раисович. Нижнекамскнефтехим. 2012-05-17 тикшерелде.
  3. 18.10.10 // Метшин снова стал мэром Нижнекамска. БИЗНЕС Online (2010-10-19). 2012-05-17 тикшерелде.
  4. Всемирный Совет ОГМВ. ОГМВ Евразия. әлеге чыганактан 2012-09-16 архивланды. 2012-05-17 тикшерелде.
  5. Пресс-релизы Группы компаний «ТАИФ». Группа компаний «ТАИФ». 2012-05-17 тикшерелде.
  6. Биография - Персональная страница Ильсура Метшина. metshin.ru. 2016-10-07 тикшерелде.
  7. Метшин Айдар Раисович

Сылтамалар[үзгәртү | вики-текстны үзгәртү]