Әсгать Сәфәров

Әсгать Сәфәров
Туган телдә исем	Әсгать Әхмәтгали улы Сәфәров
Туган	20 октябрь 1961(1961-10-20) (60 яшь) ТАССР Әтнә районы Яңа Шимбер авылы
Яшәгән урын	Җиңү проспекты, Казан Патрис Лумумба урамы, Казан
Милләт	татар
Ватандашлыгы	ССРБ ССРБ→ Русия Русия
Әлма-матер	Казан (Идел буе) федераль университеты
Һөнәре	генерал-лейтенант
Балалар	кызлары Диана, Элина, улы
Ата-ана	Әхмәтгали Бәйрәмгали улы (әти) Нәкыя Мөхәммәтфатыйх кызы (әни)
Бүләк һәм премияләре

Әсгать Сәфәров, Әсгать Әхмәт (Әхмәтгали) улы Сәфәров — Татарстан президенты администрациясе җитәкчесе, «Татмедиа» ААҖ директорлар шурасы рәисе. Генерал-лейтенант.
Нәсел-нәсәбе Таҗетдин Ялчыголга бәйле .

Тәрҗемәи хәле

1961 елның 20 октябренда ТАССР Әтнә районы Яңа Шимбер авылында туган. Әтисе Әхмәтгали Бәйрәмгали улы Әтнә районыннан, әнисе Нәкыя Мөхәммәтфатыйх кызы Сарман районы Карашай Саклау авылыннан.
«Хокукчы» белгечлеге буенча Казан дәүләт университетын (1984), РФ ФКХ (ФСБ) ның академиясен (1999) тәмамлаган.

Хезмәт юлы

• 1984 - 1987 — Казанның Совет районы эчке эшләр бүлегендә тикшерүче, өлкән тикшерүче.
• 1987 - 1991 — ТАССР министрлар шурасында өлкән референт, инструктор, бүлек башлыгы.
• 1991 - 1992 — ТР президенты ярдәмчесе.
• 1992 - 1995 — ТР ЭЭМ каршындагы милициянең махсус хезмәте идарәсе җитәкчесе.
• 1995 - 1998 — ТР президенты иминлек сагы хезмәте башлыгы - ТР президенты ярдәмчесе.
• 1998 - 2012 — ТР буенча эчке эшләр министры.
• 2012 - 2013 — ТР премьер-министры урынбасары.
• 2013 елның августыннан — ТР президенты аппараты җитәкчесе.
• 2013 елның октябреннан — «Татмедиа» ААҖ директорлар шурасы рәисе.

Бүләкләре, мактаулы исемнәре

• Русия ЭЭМ шәрәфле хезмәткәре.
• ТР ЭЭМ атказанган хезмәткәре (2001).
• «Хезмәттәге казанышлар өчен» медале (2001).
• II дәрәҗә изге кенәз Даниил Мәскәүле ордены (2002).
• Хөрмәт ордены (РФ) (2003).
• «Казанның меңьеллыгы хөрмәтенә» медале (2005).
• Батырлык өчен медале (РФ) (2006, 2009).
• II дәрәҗә Әл-Фәхер Шөһрәт ордены (2007).
• IV дәрәҗә «Ватан алдындагы казанышлары өчен» ордены (2009).

Әдәбият

1. Дамир Гарифуллин. Чырагы нур сибә бүген дә. Казан: «Сүз», 2009 ISBN 978-5-98356-080-2

Сылтамалар

• ТР эшлекле үзәге
• Ә.Ә. Сәфәров «Чикләрсез татарлар» сайтында