Ришат Әбүбакиров

Ришат Әбүбакиров
Ришат Әбүбакиров
Туган телдә исем	Ришат Фазлетдин улы Әбүбакиров
Туган	4 июль 1959; ССРБ, РСФСР, ТАССР, Әлмәт районы, Яңа Кәшер
Үлгән	26 август 2019 (60 яшь); РФ, ТР, Әлмәт
Милләт	татар
Ватандашлыгы	ССРБ→; Россия
Әлма-матер	Казан дәүләт архитектура-төзелеш университеты
Һөнәре	дәүләт эшлеклесе-хуҗалык җитәкчесе
Сәяси фирка	Бердәм Русия һәм Советлар Берлеге коммунистик фиркасе
Бүләк һәм премияләре
Гыйльми дәрәҗә:	икътисад фәннәре нәмзәте[d]
	Ришат Әбүбакиров Викиҗыентыкта

Википедиядә Әбүбакиров фамилияле башка кешеләр турында мәкаләләр дә бар.

Ришат Әбүбакиров, Ришат Фазлетдин улы Әбүбакиров (1959 елның 4 июле, ССРБ, РСФСР, ТАССР, Әлмәт районы, Яңа Кәшер — 2019 елның 26 августы, РФ, ТР, Әлмәт) — дәүләт эшлеклесе, хуҗалык җитәкчесе. Әлмәт шәһәре һәм Әлмәт районы башлыгы (2001-2011). Россия Дәүләт думасы депутаты (2011 елдан). Икътисад фәннәре докторы (2009—2015. ВАК карары белән фән докторы дәрәҗәсеннән мәхрүм ителгән^[1]). Россия һуманитар академиясе академигы.

Тәрҗемәи хәле

1959 елның 4 июлендә Әлмәт районы Яңа Кәшер авылында туган. Казан төзүче-инженерлар институтын тәмамлаган (1981). 1981-1983 хәрби хезмәттә: төзелештә мастер, прораб булып хезмәт итә. Икътисад фәннәре кандидаты (2003), докторы (2009).

1983-1988 ВЛКСМ Әлмәт шәһәр комитетында инструктор, бүлек мөдире, беренче сәркатип.
1988-1990 «Татнефть» ААҖ кадрлар белән эш оештыру бүлеге мөдире.
1990-1992 «Татнефть» ААҖ җәмгыять элемтәләре бүлеге җитәкчесе, генераль директор ярдәмчесе.
1992-2000 «Татнефть» ААҖ генераль директоры ярдәмчесе — аппарат җитәкчесе.
2000–2001 – «Татнефть» ААҖ кадрлар һәм социаль үсеш буенча генераль директор ярдәмчесе.
2001–2005 – Әлмәт районы һәм Әлмәт шәһәре берләшкән халык депутатлары шурасы рәисе, Әлмәт районы һәм Әлмәт шәһәре администрация башлыгы.
2006-2011 Әлмәт муниципаль районы җитәкчесе, Әлмәт муниципаль район шурасы рәисе, Әлмәт шәһәре мэры, Әлмәт шәһәр Советы рәисе.

2011 VI чакырылыш Россия Дәүләт Думасына депутат итеп сайлана.^[2]
«Бердәм Россия» фиркасенең Әлмәт районы буенча сәяси шурасы сәркатибе.
Әлмәт районы һәм Әлмәт шәһәренең социаль – икътисади үсеше өчен күп көч куя: аның җитәкчелегендә бик күп программалар раслана, шәһәр һәм районның яшәү шартлары яхшыра, сәламәтләндерү, мәгариф, мәдәни һәм спорт буенча эшчәнлекне үстерә. Нәтиҗәдә, соңгы елларда Әлмәт муниципаль районы Татарстан Республикасында үсеш сыйфаты буенча беренчеләрдән бара.^[3]

2003 100 мең халкы булган шәһәрләр арасында «Иң яхшы төзекләндерелгән шәһәр» бәйгесендә Әлмәт РФда III урын, «ТР күләмендә иң яхшы төзекләндерелгән шәһәр» исеме ала.
2007 РФ күләмендә «Иң яхшы төзекләндерелгән шәһәр» конкурсында икенче урын.
2008 РФ күләмендә «Иң яхшы төзекләндерелгән шәһәр» конкурсында өченче урын.
2010 РФ күләмендә «Иң яхшы төзекләндерелгән шәһәр» конкурсында беренче урын.
2005 «Әлмәт җитәкчесе — 2005» дигән мактаулы исем бирелде.