Фоат Комаров

Фоат Комаров
Туган телдә исем	Фоат Фәһим улы Комаров
Туган	26 июнь 1958(1958-06-26) (65 яшь) Татарстан, Әлмәт шәһәре
Милләт	татар
Ватандашлыгы	ССРБ ССРБ→ Русия Русия
Әлма-матер	Казан (Идел буе) федераль университеты
Һөнәре	сәнәгатькәр, дәүләт-фирка эшлеклесе
Сәяси фирка	Бердәм Русия
Җефет	Әлфира Абзал кызы
Балалар	өч улы Рияз, Рамил,?, ике кызы
Бүләк һәм премияләре	II дәрәҗә «Ватан алдында казанышлар өчен» орденының медале
Фоат Комаров Викиҗыентыкта

Фоат Комаров (Фоат Фәһим улы Комаров) – дәүләт һәм фирка эшлеклесе, Әлмәт хакимияте башлыгы (2000-2001), Россия Дәүләт думасы депутаты (2007-2011), ТР Дәүләт шурасы депутаты, ru:СМП-Нефтегаз ААҖ (Әлмәт) хуҗаларының берсе, ''Төньяк Европа - Көнбатыш Кытай" тиз йөрешле автомагистрале шәхси инвесторы.

Тәрҗемәи хәле

1958 елның 26 июнендә Әлмәт шәһәрендә туган. «Механика» белгечлеге буенча Казан дәүләт университетын (1984), РФ хөкүмәте каршындагы халык хуҗалыгы академиясен (2003) тәмамлаган.

Хезмәт юлы

• 1984-1990 ВЛКСМ Әлмәт райкомы инструкторы, беренче сәркатибе.
• 1990-1991 «Әлмәт күптармаклы акционер җәмгыяте» төзелеш-монтаж идарәсе (Әлмәт) башлыгы урынбасары.
• 1991-1993 «91- санлы төзелеш-монтаж оешмасы» башлыгы урынбасары (Әлмәт).
• 1993-1996 «СМП-2000» оешмасы директоры (Әлмәт).
• 1996-1999 «СМП-2000» ААҖ директорлар шурасы рәисе (Әлмәт).
• 1999 Әлмәт районы һәм Әлмәт шәһәре хакимияте башлыгы урынбасары.
• 1999-2000 Әлмәт районы һәм Әлмәт шәһәре хакимияте башлыгы вазыйфаларын башкаручы.
• 2000-2001 Әлмәт районы һәм Әлмәт шәһәре хакимияте башлыгы.
• 2001-2007 «ru:СМП-Нефтегаз» ААҖ директорлар шурасы рәисе, 2011 директор киңәшчесе.

Иҗтимагый эшчәнлеге

• 1999-2004 II чакырылыш ТР Дәүләт шурасы депутаты.
• 2004-2007 III чакырылыш ТР Дәүләт шурасы депутаты.
• 2007-2011 РФ Федераль җыены V чакырылыш Дәүләт думасы депутаты («Бердәм Россия» фиркасеннән).
• 2014 V чакырылыш ТР Дәүләт шурасы депутаты («Бердәм Россия» фиркасеннән), дәүләт төзелеше һәм җирле үзидарә буенча комитет әгъзасы.

Бүләкләре, мактаулы исемнәре

• Әлмәт шәһәренең шәрәфле ватандашы.
• «Татарстанның ел җитәкчесе» конкурсы җиңүчесе (2006).
• «Татарстанның ел хәйриячесе» (2007).
• «Татнефть» ААҖ нең мактаулы нефтьчесе (2008).
• «Казанның меңьеллыгы хөрмәтенә» медале (2005).
• «Хезмәт уңышлары өчен» медале (ТР) (2008).
• II дәрәҗә Ватан алдындагы хезмәтләр өчен орденының медале (2010).

Сылтамалар

• Ф. Комаров ТР Дәүләт шурасы рәсми сайтында 2016 елның 4 март көнендә архивланган.
• Кто есть кто в Республике Татарстан?
• Ф. Комаров Әлмәт районы рәсми сайтында(үле сылтама)
• «СМП Нефтегаз» ААҖ рәсми сайты 2015 елның 31 март көнендә архивланган.

Моны да укыгыз

Ф. Комаров «Төньяк Европа - Көнбатыш Кытай» тиз йөрешле автомагистраленә акча кертә