Ленар Сафин

Ленар Сафин
ТР транспорт һәм юл хуҗалыгы министры
Вазыйфада
Вазыйфага керешкән 2010 елның 22 апреле
Туган	11 февраль 1969(1969-02-11) (51 яшь)

Ленар Сафин, Ленар Ринат улы Сафин (1969 елның 11 феврале, ССРБ, РСФСР, ТАССР, Арча) — ТР транспорт һәм юл хуҗалыгы министры (2010 елның 22 апреленнән), юридик фәннәр кандидаты, Татарстанның атказанган төзүчесе (2016). КДАТУ шәрәфле профессоры (2015).

Тәрҗемәи хәле

1969 елның 11 февралендә ТАССР Арча шәһәр тибындагы бистәсендә (2008 елдан шәһәр) туган. «Хокук белеме» белгечлеге буенча Казан дәүләт университетының юридик факультетын (1993), «менеджмент» белгечлеге буенча Казан дәүләт финанс-икътисад институтын (КФИИ, 2009 елдан КФУ составында) (2000) тәмамлаган. Инглиз телен белә.

Хезмәт юлы

1993—1995 елларда — КФИИ тарих һәм хокук кафедрасы ассистенты.

1995—1998 елларда — КДУ җинаять хокукы кафедрасы өлкән укытучысы.

1998—2008 елларда — КДУ җинаять хокукы һәм криминология кафедрасы доценты.

2008—2009 елларда — «Главтатдортранс» ДУ директорының икътисад һәм финанс буенча урынбасары.

2009—2010 елларда — «Главтатдортранс» ДУ директоры.

2010 елның 22 апреленнән — ТР транспорт һәм юл хуҗалыгы министры.

Л. Р. Сафинга каршы change.org порталында, «махсус белеме һәм юл-транспорт хуҗалыгында эшләү тәҗрибәсе булмау сәбәпле эшне оештыра алмый», дип, ТР Президентыннан Ленар Сафинны министр вазифасыннан бушатуны таләп итеп петиция куелган булган .

Бүләкләре, мактаулы исемнәре

• 2013 — «РФ транспортының мактаулы хезмәткәре»
• 2014 — II дәрәҗә «Ватан алдындагы казанышлары өчен» орденының медале
• 2016 — «ТР атказанган төзүчесе»
• 2018 — «Фидакарь хезмәт өчен» медале (Татарстан)
• 2019 — Хөрмәт ордены (РФ)

Гаилә хәле

Өйләнгән, ике баласы бар.

Сылтамалар

• Сафин Ленар Ринатович. Деловой центр РТ - интернет-портал TatCenter.ru (Татцентр.ру)
• Сафин Ленар Ринатович. Сайт Министерства транспорта и дорожного хозяйства Республики Татарстан