Гөлдания Хәйруллина

Гөлдания Хәйруллина
	Гөлдания Хәйруллина
Төп мәгълүмат
Тулы исеме	Гөлдания Мөбәрәкҗан кызы Хәйруллина
Туу көне	4 сентябрь 1960 (62 яшь)
Туу урыны	СССР, РСФСР, ТАССР Сарман районы, Саклаубаш
Эшчәнлек еллары	1980 - х. в.
Дәүләт	СССР→; РФ
Һөнәрләр	җырчы
Жанрлар	эстрада
Коллективлар	«Эврика» мәдәният үзәге (Чаллы); Татар дәүләт җыр һәм бию ансамбле
Бүләкләр
guldaniya_khairullina

Википедиядә Хәйруллина фамилияле башка кешеләр турында да мәкаләләр бар.

Гөлдания Хәйруллина, Гөлдания Мөбәрәкҗан кызы Хәйруллина (кыз фамилиясе Биктимерова, 1960 елның 4 сентябре, СССР, РСФСР, ТАССР, Сарман районы, Саклаубаш) — эстрада җырчысы, Татарстанның атказанган артисты (1998).

Тәрҗемәи хәле[үзгәртү | вики-текстны үзгәртү]

1960 елның 4 сентябрендә Татарстан АССР Сарман районы Саклаубаш авылында туган. Әтисе Мөбәрәкҗан, әнисе Фәния. Саклаубаш урта мәктәбен тәмамлагач, Казан моторлар төзү заводында эшли. Заводның үзешчән сәнгать түгәрәгенә йөри. Ленин исемендәге мәдәният сараеның җыр ансамблендә җырлый. Татар дәүләт җыр һәм бию ансамбленә эшкә алына. Түбән Кама музыка укуханәсен (хәзер көллият) тәмамлагач, Чаллының «Төзүчеләр» мәдәният сараенда, «Эврика» мәдәният үзәгендә эшли. 1993 елда ире композитор Рөстәм Хәйруллин белән махсус концерт бригадасы оештыра. «Сандугач», «Кышкы моңнар» фестивальләрендә катнаша. Казан дәүләт мәдәният институтын тәмамлый^[1]. Рөстәм Хәйруллинның (3000нән артык җыр язып калдырган) 100гә якын җыры кергән китабын әзерли ^[2].

Иҗаты[үзгәртү | вики-текстны үзгәртү]

Иҗаты ире Рөстәм Хәйруллин язган «Бәллүр чишмә» җыры белән (сүзләрен Шәрига Таһирова язган) башланып китә. «Иркәмә» (Ф. Мортазин), «Җиләкле җәй», «Кайда син?» (Рөстәм Хәйруллин), «И Ходай, исәнлек бир», «Сарман», «Сафия такмаклары», «Үчләр итеп елларга, җырларга да җырларга!» һ.б. җырлар белән популярлык яулый.

Гаиләсе[үзгәртү | вики-текстны үзгәртү]

Ире Рөстәм Мөнир улы Хәйруллин (11.01.1960―28.03.2010), композитор, популяр җырлар авторы , чыгышы белән Сарман районы Кормаш авылыннан. 1987 елның 1 мартында туй иткәннәр^[3].

кызы Лилия, эстрада җырчысы, Казан дәүләт финанс-икътисад университетын тәмамлаган, Казан дәүләт мәдәният институтында белем ала. Өч улы^[4].

Бүләкләре[үзгәртү | вики-текстны үзгәртү]

Әдәбият[үзгәртү | вики-текстны үзгәртү]

Сарман районы энциклопедиясе. 1нче китап (төзүче Дамир Гарифуллин). Яр Чаллы: «Идел-йорт», 2000.
Сарман (төзүче Тәлгат Исмәгыйлов). К.: «АБАК», 1998. ISBN 5-89423-067

Искәрмәләр[үзгәртү | вики-текстны үзгәртү]

↑ Лилия Локманова. Гөлдания Хәйруллина: «Мин эстрадага яңалык алып килдем» 2016 елның 26 август көнендә архивланган.. «Безнең гәҗит», 12.02.2014
↑ Җырчы Гөлдания Хәйруллина ире, композитор Рөстәм Хәйруллинның җырларыннан истәлек китабы әзерли 2017 елның 2 декабрь көнендә архивланган.. «Мәйдан»
↑ Алсу Мусина. Гөлдания Хәйруллина бүген энҗе туен бәйрәм иткән булыр иде 2017 елның 22 июль көнендә архивланган.. «Мәдәни Җомга», 21.03. 2017
↑ Лилия Хәйруллина. Артистлар.ру
↑ Гөлдания Хәйруллина Президенттан бүләк алды. Интертат.ру, 26.02.2016

Сылтамалар[үзгәртү | вики-текстны үзгәртү]

[1] Лилия Локманова. Гөлдания Хәйруллина: «Мин эстрадага яңалык алып килдем» 2016 елның 26 август көнендә архивланган.. «Безнең гәҗит», 12.02.2014

[2] Җырчы Гөлдания Хәйруллина ире, композитор Рөстәм Хәйруллинның җырларыннан истәлек китабы әзерли 2017 елның 2 декабрь көнендә архивланган.. «Мәйдан»

[3] Алсу Мусина. Гөлдания Хәйруллина бүген энҗе туен бәйрәм иткән булыр иде 2017 елның 22 июль көнендә архивланган.. «Мәдәни Җомга», 21.03. 2017

[4] Лилия Хәйруллина. Артистлар.ру

[5] Гөлдания Хәйруллина Президенттан бүләк алды. Интертат.ру, 26.02.2016

[1]

[2]

[3]

[4]

[5]