Рәмзия Фәйзуллина

Wikipedia — ирекле энциклопедия проектыннан ([http://tt.wikipedia.org.ttcysuttlart1999.aylandirow.tmf.org.ru/wiki/Рәмзия Фәйзуллина latin yazuında])
Навигациягә күчү Эзләүгә күчү
Рәмзия Фәйзуллина
рәсем
Туганда бирелгән исеме:

Рәмзия Мәхмүт кызы Фәйзуллина

Туу датасы:

2 гыйнвар 1962(1962-01-02) (57 яшь)

Туу җире:

ССРБ, РСФСР, ТАССР, Сарман районы, Янурыс

Һөнәре:

курчак театры актрисасы

Гражданлыгы:

ССРБFlag of the Soviet Union.svg ССРБ
Русия байрагы РФ

Активлык еллары:

1979 — х. в.

Амплуа:

җырлы рольләр

Бүләк һәм премияләр:

Татарстанның халык артисты

Рәмзия Фәйзуллина (Безус), Рәмзия Мансур кызы Безус (кыз фамилиясе Фәйзуллина, 1962 елның 2 гыйнвары, ССРБ, РСФСР, ТАССР, Сарман районы, Янурыс) — курчак театры актрисасы, Татарстанның атказанган (1994) һәм халык (2001) артисты. Татар дәүләт «Әкият» курчак театрында хезмәт итә (1979 елдан).

Images.png Тышкы рәсемнәр
Image-silk.png Р. М. Фәйзуллинаның юбәләй кичәсе.

Тәрҗемәи хәле[үзгәртү | вики-текстны үзгәртү]

1962 елның 2 гыйнварында Татарстан АССР Сарман районы Янурыс авылында туган. Туган авылында сигезьеллык (1977), Азалак авылында урта мәктәпне (1979) тәмамлый. Җырчы булырга теләп, 1979 елда Казанга музыка укуханәсенә укырга килә. Ләкин анда укымый, туганнары ярдәме белән (махсус һөнәри белеме булмаган килеш) Татар дәүләт «Әкият» курчак театрында (башта бутафория цехында, соңрак татар труппасында) эшли башлый. Казанда сәүдә техникумын тәмамлый, бер-ике ел сәүдә өлкәсендә эшләп ала.

2004 елда читтән торып Казан дәүләт мәдәният институтының театр факультетын тәмамлаган.

Иҗаты[үзгәртү | вики-текстны үзгәртү]

Театрда 40 ел иҗат итү дәверендә татарча һәм урысча куелган спектакльләрдә бик күп рольләр башкарган. Иң күп һәм яратып уйнаган рольләре — җырлый һәм мәхәббәт уйный торган кызлар.

Уйнаган рольләренең кайберләре[үзгәртү | вики-текстны үзгәртү]

«Әкият» театрында[үзгәртү | вики-текстны үзгәртү]

  • Найман-ана — «Гасырдан озын көн...» Чыңгыз Айтматов
  • Миләүшә, Зарифа — «Карт буйдак» Рабит Батулла
  • Будур — «Галәветдиннең сихерле лампасы» Н. Гернет
  • Гаделмөлек — «Хан кызы» Кәрим Тинчурин
  • Чикерткә — «Җырлап узган җәй» Нәби Дәүлиәлеге рольне башкарган өчен Халыкара яшьләр лагерена (Балтик буе) путевка белән бүләкләнә
  • Сөмбел — «Камыр батыр» Сәлах Хөсни
  • Таңчулпан — «И, кызык Шүрәле!..» Гөлшат Зәйнашева
  • Диләфрүз — «Диләфрүзгә дүрт кияү» Туфан Миңнуллин
  • Зөһрә — «Чулпан йолдыз калка…» Зөлфәт
  • Чеби — «Алтын чеби» В. Орлов һ. б.

Курчак театрларының халыкара фестивальләрендә — Канн (Франция), Адана, Бурса, Искешәһәр, Измир (Төркия), Бакы (Азәрбайҗан), Алматы, Актүбә (Казакъстан), Самар, Уфа, Улан-Удэ, Яр Чаллы һ. б. — катнаша. Адана шәһәрендә узган халыкара фестивальдә «Теге дәһшәтле төндә» (Зөлфәт) спектаклендә баш рольне (Су анасы) башкара.

Бүләкләре, мактаулы исемнәре[үзгәртү | вики-текстны үзгәртү]

Гаилә хәле[үзгәртү | вики-текстны үзгәртү]

Ире — ? Безус (? — 2000). Уллары Вилдан, мәктәп укучысы[1].

Әдәбият[үзгәртү | вики-текстны үзгәртү]

  1. Сарман районы энциклопедиясе (төзүче-мөхәррире Дамир Гарифуллин). 1нче китап. Яр Чаллы: «Идел-йорт» нәшрияты, 2000.
  2. Илһамлы Сарман. Антология (төзүче-мөхәррире Дамир Гарифуллин). Казан: «Яз», 2017. ISBN 978-5-95-00696-1-1

Сылтамалар[үзгәртү | вики-текстны үзгәртү]

Искәрмәләр[үзгәртү | вики-текстны үзгәртү]

  1. Румия Сәйфуллина. Рәмзия Фәйзуллина: «Тезләнеп тә, ятып та уйныйбыз». «Акчарлак», 2018 ел, 18 октябрь