Зөһрә Сәхәбиева

Зөһрә Сәхәбиева
Туган телдә исем	Зөһрә Котдус кызы Сәхәбиева
Туган	27 апрель 1951(1951-04-27) (74 яшь) ССРБ, РСФСР, ТАССР, Ворошилов районы (Татарстан АССР), Салих-Тукай
Милләт	татар
Ватандашлыгы	ССРБ ССРБ→ РФ
Һөнәре	җырчы, мөгаллим
Балалар	улы Айдар
Бүләк һәм премияләре	Сарман районының мактаулы гражданы (2024)

"Раббым Алла, диде Муса" мөнәҗәте Зөһрә Сәхәбиева башкаруында

Зөһрә Котдус кызы Сәхәбиева — күренекле татар җырчысы, мөгаллим, ТАССР халык артисты (1984). Сарман районының мактаулы гражданы (2024).

Тәрҗемәи хәле

1951 елның 27 апрелендә Татарстан АССР Ворошилов районы Салих-Тукай авылында дөньяга килә. Әтисе Шөкрәле авылыннан, әнисе Наласадан. Октябрь-Бүләк авылында башлангыч, Иске Дөреш авылында җидееллык мәктәпне тәмамлый. Күмәк хуҗалыкта терлекчелектә эшли. Казан медицина училищесында укый. Үзешчән сәнгатьтә катнаша. Казан дәүләт консерваториясен тәмамлый.

1977-1984 елларда — Татар опера һәм балет театрында, 1984-1993 елларда — Татар филармониясендә, 1993-1996 елларда Башкортстан дәүләт опера һәм балет театры солисты. 1996 елдан — «Идел» концерт-филармония берләшмәсендә.

1993 елдан Казан консерваториясендә укыта.

«Сарман», «Син сазыңны уйнадың», «Сәгать чылбыры», «Зөбәрҗәт», «Туган авылым», «Сакмар», «Бөдрә таллар», «Язгы җыр», «Хәерле иртә», «Җидегән чишмә» җырлары белән популярлык казана.

Бүләкләре, мактаулы исемнәре

• 1984 ― Татарстан АССР халык артисты
• 2024 ― Сарман районының мактаулы гражданы

Сылтамалар

• «Милләттәшләр» сайтында Зөһрә Сәхәбиева (рус.)
• Зөһрә Сәхәбиева: “Хәйдәр китабына гомеремне багышладым”
• Зөһрә Сәхәбиева башкаруында җырлар