Рәфыйк Таҗетдинов

Рәфыйк Таҗетдинов
Р.З. Таҗетдинов (1961-2017)
Төп мәгълүмат
Тулы исеме	Рәфыйк Зәкәрия улы Таҗетдинов
Туу көне	19 гыйнвар 1961(1961-01-19)
Туу урыны	ТАССР Чүпрәле районы Иске Кәкерле
Үлү көне	21 май 2017(2017-05-21)
Үлү урыны	Казан
Эшчәнлек еллары	—
Дәүләт	ССРБ ССРБ→ РФ
Һөнәрләр	музыкант, педагог
Кораллар	балалайка һ.б.
Коллективлар	КДМИ
Хезмәттәшлек	«Казан нуры»
https://vk.com/id208013521
Милләт	татар

Рәфыйк Таҗетдинов, Рәфыйк Зәкәрия улы Таҗетдинов (1961 елның 19 гыйнвары, ТАССР, Чүпрәле районы, Иске Кәкерле — 2017 елның 21 мае, Казан) — виртуоз музыкант (балалайкачы), композитор, җырчы, педагог, Казан дәүләт мәдәният институты профессоры, ТР халык артисты.

Тәрҗемәи хәле

Рәфыйк Таҗетдинов

1961 елның 19 гыйнварында ТАССР Чүпрәле районы Иске Кәкерле авылында туган. Чүпрәле балалар музыка мәктәбенең баян сыйныфын, Казан музыка укуханәсенең халык уен кораллары бүлегендә балалайка сыйныфын (Роза Халитова-Әмирханова сыйныфы), Казан дәүләт мәдәният институтын (1988, проф. Валентин Волобуев сыйныфы) тәмамлаган. 1987 елдан Казан дәүләт мәдәният институтында эшли, музыка сәнгате факультетының музыка - уен коралында башкару кафедрасы профессоры.

Иҗаты

Барлык уен коралларында (баян, курай, балалайка, фортепиано һ.б.), нотага карамыйча уйный алучы виртуоз музыкант. 1984-1988 елларда, Казан дәүләт мәдәният һәм сәнгать академиясендә укыганда, Мәскәү, Ленинград һ.б. шәһәрләрдә концертларда катнаша, Бөтенсоюз телевидениесендә төшә.

1988 елда беренче аудиальбомын чыгарган.

Туниста халыкара фольклор фестивалендә (1996, 1997, 1999), Австрия шәһәрләрендә (1994), Каһирә, Исмәгыйлия шәһәрләрендә (Мисыр) гастрольләрдә (1996, 1998) була.

2001 елда компакт-диск һәм ике аудиоальбом чыгарган.

Бүләкләре, мактаулы исемнәре

• 1980 Халык башкаручыларының бөтенроссия Урал кубогы конкурсы (Магнитогорски) – 1нче урын.
• 1993 Халыкара бәйге (Клингенталь, Алмания) — лауреат
• 1993 Халыкара бәйге (Кастельфидардо, Италия) — Гран-при, Дөнья кубогы (баянчы Әбүзәр Фәйзуллин белән дуэт)
• 1994 Халыкара бәйге (Сант-Этьен, Франция) — Гран-при (баянчы Әбүзәр Фәйзуллин белән дуэт)
• 1994 Халыкара бәйге (Andrezieux-Boutheon, Франция) — Гран-при
• 1994 Татарстанның атказанган артисты
• Татарстанның халык артисты

Гаиләсе

Өйләнгән, балалары Диана, Аделя, Аида.

2017 елның 21 маенда Казанда вафат. Казанның Константиновка бистәсе зиратында җирләнгән.

Сылтамалар

• Рәфыйк Таҗетдинов(рус.)
• Скончался народный артист Рафик Тазетдинов. ИА Татар-информ, 21.05.2017(рус.)
• Вконтактедагы төркеме
• Скончался народный артист РТ, уроженец Дрожжановского района Рафик Тазетдинов. «Туган як» (газета), 22.05.2017 2017 елның 25 май көнендә архивланган.