Әбүзәр Фәйзуллин
| Әбүзәр Фәйзуллин | |
 Ә.Ә. Фәйзуллин | |
| Төп мәгълүмат | |
|---|---|
| Тулы исеме |
Әбүзәр Әнвәр улы Фәйзуллин |
| Туу көне | |
| Туу урыны |
СССР, РСФСР, ТАССР, Сарман районы, Җәлил |
| Эшчәнлек еллары |
1979 ― х. в. |
| Дәүләт | |
| Һөнәрләр |
баянчы, |
| Кораллар |
баян, аккордеон |
| Жанрлар |
классика, халык көйләре |
| Коллективлар | |
| Хезмәттәшлек |
«Сорнай» ансамбле |
| Бүләкләр |
|
| Милләт |
татар |
Әбүзәр Фәйзуллин, Әбүзәр Әнвәр улы Фәйзуллин (Абузар Анварович Файзуллин; 1964 елның 7 апреле, СССР, РСФСР, ТАССР, Сарман районы, Җәлил бистәсе) — виртуоз баянчы, халыкара бәйгенең Гран-при иясе (1994), Казан дәүләт консерваториясе профессоры, Татарстанның атказанган артисты (1997).
Тәрҗемәи хәле
[үзгәртү | вики-текстны үзгәртү]
1964 елның 7 апрелендә Татарстан АССР Сарман районы Җәлил бистәсендә (версия: Әлмәттә[1]) туган. Әтисе Әнвәр, әнисе Зөлфия. Җәлил эшчеләр бистәсендә балалар музыка мәктәбен (1979, А.А. Владимиров, В.П. Булыгин сыйныфы), Әлмәт музыка укуханәсен (1983, А.А. Лапочкина сыйныфы), Казан дәүләт консерваториясен (1989, проф. Н.А. Черняев, Ю.А. Цагарелли курсы), Гнесиннар исемендәге институтның (хәзерге Россия музыка академиясе) аспирантурасын (1992, фәнни җитәкче В.Ф. Беляков) тәмамлаган.
Хезмәт юлы
[үзгәртү | вики-текстны үзгәртү]1989 елдан Казан дәүләт консерваториясендә укыта, махсус баян сыйныфын, ансамбль, музыкаль башкару осталыгы һәм педагогика фәннәрен алып бара, 2002 елдан доцент, 2003 елдан халык уен кораллары кафедрасы мөдире. Казан шәһәренең Совет районы 4нче сәнгать мәктәбендә балаларга өстәмә белем бирә[2].
Иҗаты
[үзгәртү | вики-текстны үзгәртү]Репертуарында татар композиторлары: А. Ключарев, Х. Вәлиуллин, Р. Курамшин, М. Макаров һ.б. әсәрләре; И.С. Бах, С. Франк, С. Рахманинов, И. Стравинский, Ф. Мендельсон, Д. Скарлатти, И. Штраус, Х. Веберның орган һәм фортепиано өчен әсәрләре; В. Золотарев, В. Семенов, В. Гридин, Е. Дербенко, А. Кусяковның оригиналь әсәрләре.
Дирижерлардан: Ф.Мансуров, Р.Халитов, А. Шутиков, Р. Абязов, Е. Федоров, В. Цветков белән чыгышлар ясый.
Алманиядә, Австриядә, Иранда, Италиядә, Канадада, РФ шәһәрләрендә (Мәскәү, Чабаксар, Ижау, Сембер, Саранск, Уфа) һәм Татарстанда сольный концертлары була[3].
Әлмәт, Яр Чаллы, Чабаксар, Йошкар-Ола, Түбән Кама, Казан, Ижау музыка укуханәләрендә уку курслары һәм осталык дәресләре уздыра. Күп санлы халыкара һәм региональ бәйгеләрнең жюри эшендә катнаша[4][5]. Фәнни-эзләнү эше алып бара. Баян һәм аккордеон өчен эшкәртмәләре, укыту әсбаплары бар.
Шәкертләре арасында В. Киреев — баянчы-аккордеончыларның халыкара бәйгесе II премия лауреаты (Клингенталь, Алмания, 1993), Сәйдәш Фәхразыев — баянчы-аккордеончыларның бөтенроссия бәйгесе III премия лауреаты[6]
Бүләкләре, мактаулы исемнәре
[үзгәртү | вики-текстны үзгәртү]- 1981 ― Идел буе яшь баянчылары бәйгесе (Сембер) — дипломант
- 1983 ― Идел буе яшь баянчылары бәйгесе (Сембер) — II премия лауреаты
- 1984 ― Баянчы-аккордеончыларның бөтенсоюз бәйгесе (Ворошиловград) — II премия лауреаты
- 1992 ― Баянчы-аккордеончыларның халыкара бәйгесе (Клингенталь, Алмания) — дипломант
- 1992 ― Халыкара бәйге (Кастельфидардо, Италия) — II премия лауреаты
- 1993 ― Баянчыларның халыкара бәйгесе (Торонто, Канада) — дипломант
- 1993 ― Халыкара бәйге (Кастельфидардо, Италия) — I премия лауреаты (балалайкачы Рәфыйк Таҗетдинов белән дуэт)
- 1994 ― Халыкара бәйге (Сант-Этьен, Франция) — Гран-при (балалайкачы Р. Таҗетдинов белән дуэт)
- 1995 ― Баянчы-аккордеончыларның халыкара бәйгесе (Клингенталь, Алмания) — дипломант (баянчы А. Протасов белән бергә)
- 1996 ― Халыкара бәйге (Кастельфидардо, Италия) — дипломант (баянчы А. Протасов белән бергә)
- 1997 ― Татарстанның атказанган артисты
Искәрмәләр
[үзгәртү | вики-текстны үзгәртү]- ↑ Казан консерваториясе сайтында, archived from the original on 2021-04-20, retrieved 2017-03-04
- ↑ 4нче сәнгать мәктәбе сайтында, archived from the original on 2021-04-15, retrieved 2017-03-04
- ↑ Юбилей профессора Абузара Анваровича Файзуллина. BezFormata.Ru, 07.04.2014(үле сылтама)
- ↑ Казан музыка көллияте сайты
- ↑ Казан мэриясе рәсми сайты(үле сылтама)
- ↑ Виват, баян!(үле сылтама)
Әдәбият
[үзгәртү | вики-текстны үзгәртү]- Татар баянчылары (төзүчеләре Кирам Сатиев, Нияз Акмалов). Казан: «Мәгариф», 1996. ISBN 5-7761-0446-7
- Сарман районы энциклопедиясе (төзүчесе Дамир Гарифуллин). Яр Чаллы: «Идел-йорт», 2000.
Сылтамалар
[үзгәртү | вики-текстны үзгәртү]- Н. Җиһанов исемендәге Казан консерваториясе сайты 2021 елның 20 апрель көнендә архивланган.
- Ә.Фәйзуллин Р.Курамшинның Вальсын башкара (видео, 2:54)