Ирек Кашапов (1984)

Ирек Кашапов
Туганда бирелгән исеме:	Ирек Рафис улы Кашапов
Туу датасы:	27 май 1984(1984-05-27) (39 яшь)
Туу җире:	СССР, РСФСР, ТАССР, Сарман районы, Саклаубаш
Һөнәре:	драма актеры
Гражданлыгы:	СССР→ РФ
Активлык еллары:	2009―2024
Бүләк һәм премияләр:
Ирек Кашапов

Ирек Кашапов, Ирек Рафис (Рәфис) улы Кашапов (1984 елның 27 мае, СССР, РСФСР, ТАССР, Сарман районы, Саклаубаш) ― драма актеры, Галиәсгар Камал исемендәге татар дәүләт академия театры артисты (2009 елдан). Татарстанның атказанган артисты (2021).

Тәрҗемәи хәле

1984 елның 27 маенда Татарстан АССР Сарман районы Саклаубаш авылында туган. Әтисе ― Рафис Гыйззәтулла улы (2019 елның 29 гыйнварында вафат ), әнисе ― Рәмзия. Ирек Казан театр училищесын (2005), Казан мәдәният һәм сәнгать университетының актерлык факультетын (2009) тәмамлаган. 2009 елдан Галиәсгар Камал исемендәге татар дәүләт академия театрында хезмәт итә. Сәхнә ягымлылыгы белән аерылып торучы артист.

Рольләре

Музыкаль геройларны яратып уйный, төрле характердагы рольләрне оста башкара.

• Бәләкәч – Бәби (И. Зәйниев)
• Фирзәт – Мәхәббәт FM (И. Зәйниев)
• Бәчке – Гөргөри кияүләре (Т. Миңнуллин)
• Бульдог – Авыл эте Акбай (Т Миңнуллин)
• Галимҗан – Яшь йөрәкләр (Ф. Бурнаш)
• Зөфәр – Зөбәйдә – адәм баласы (Ш. Хөсәенов)
• Булат – Зәңгәр шәл (К. Тинчурин)
• Голәм әкә – Җилкәнсезләр (К. Тинчурин)
• Фазлыйәхмәт – Кыю кызлар (Т. Гыйззәт)
• Мәҗит – Арбалы хатыннар (З. Зәйнуллин)
• Эстрагон – Годо (С. Беккет)
• Лорд Грей – Ричард III (У. Шекспир)
• Дон Алонсо – Дон Жуан (Ж.-Б. Мольер)

Фильмография

• 2020 – «Прохлада глаз» (режиссер Айнур Зиннәтов) – участок хуҗасы

Бүләкләре, мактаулы исемнәре

• 2015 – ТР мәдәният министрлыгының Мактау грамотасы
• 2021 – ТР атказанган артисты – театр сәнгатен үстерүгә керткән өлеше өчен

Гаиләсе

Өйләнгән, баласы бар.

Сылтамалар

• Ирэк Кашапов. kino-teatr.ru(рус.)
• Кашапов Ирек Рәфис улы. Камал театры сайты
• irekkashapov. instagram.com