Радик Зөфәр улы Бариев

Радик Бариев
Туган телдә исем	Радик Зөфәр улы Бариев
Туган	30 июнь 1970(1970-06-30) (53 яшь) СССР, РСФСР, ТАССР, Казан
Яшәгән урын	Җиңү проспекты, Казан
Милләт	татар
Ватандашлыгы	СССР РФ
Әлма-матер	Казан дәүләт мәдәният һәм сәнгать университеты
Һөнәре	артист, педагог
Бүләк һәм премияләре	Дамир Сираҗиев премиясе (2010)
Радик Бариев Викиҗыентыкта

Бу Камал театры артисты турында мәкалә, очучы турында биредән укыгыз.

Радик Бариев (Радик Барый), Радик Зөфәр улы Бариев (1970 елның 30 июне, СССР, РСФСР, ТАССР, Казан) — драма артисты. Татарстанның атказанган артисты (2007). Дамир Сираҗиев премиясе (2010), «Тантана» премиясе (2016, 2024), Тукай премиясе (2019) лауреаты.

Тәрҗемәи хәле

1970 елның 30 июнендә Казан шәһәрендә туган. Казан сәнгать һәм мәдәният институтын тәмамлаган (1995), Г. Камал исемендәге Татар академия театрында эшли башлый.

Казан дәүләт мәдәният һәм сәнгать университетында укыта.

Иҗаты

Студент елларында ук Камал театрында күмәк сәхнә күренешләрендә катнаша. Төгәл эчтәлекле, форма ягыннан җиренә җиткереп эшләнгән, акыллы образлар иҗат итә. Искиткеч пластикага ия.

Уйнаган рольләре

• Абрам, Паж — «Ромео һәм Джульетта» Уильям Шекспир
• Вандалино — «Биюче» Лопе де Вега
• Поль — «Тол ханымда тукталыш» Э. Лабиш
• Шурик — «Җанкисәккәем» Туфан Миңнуллин
• Чал карт, Дәрвиш — «Сукыр патша» Назыйм Хикмәт
• Дорн — «Акчарлак» Антон Чехов
• Хан — «Җирән чичән һәм Карачәч сылу» Нәкый Исәнбәт
• Җирән — «Мәхәббәт хатирәсе» Флорид Бүләков
• Фирдәвес — «Казан егетләре» Мансур Гыйләҗев
• Роберто — «Гаугалы гаилә» Эдуард де Филиппо
• Фәридун — «Баскетболист» Мансур Гыйләҗев
• Көтүче — «Кара чикмән» Георгий Хугаев
• Ильяс — «Казан сөлгесе» Кәрим Тинчурин һ.б.

Бүләкләре, мактаулы исемнәре

• 2007 Татарстанның атказанган артисты
• 2010 Дамир Сираҗиев премиясе
• 2016 «Тантана» премиясе
• 2019 Тукай премиясе — «татар сәнгате үсешенә керткән өлеше һәм татар театры үсешендә зур роль уйнаган «Гөлҗамал», «Җирән чичән белән Карачәч сылу», «Кара чикмән», «Три сестры», «Дон Жуан» спектакльләрендә сәхнә образларын тудырган өчен».
• 2024 — «Тантана» премиясе — «Иң яхшы ир-ат роле» номинациясендә Камал театрында Туфан Миңнуллин пьесасы буенча куелган «Дуслар җыелган җирдә» спектаклендәге Рафис роле өчен

Әдәбият

1. Ильтани Илялова. Г. Камал театры артистлары: Библиографик белешмәлек. Казан: Татарстан китап нәшрияты, 2005.ISBN 5-298-00708-2

Сылтамалар

• Г. Камал театры артистлары
• Камал театры сайты 2015 елның 26 октябрь көнендә архивланган.