Дилүс Хуҗәхмәтов
Дилүс Хуҗәхмәтов | |
![]() | |
Туу датасы: | |
---|---|
Туу җире: | |
Һөнәре: |
курчак театры актеры |
Гражданлыгы: | |
Активлык еллары: |
2002—х. в. |
Бүләк һәм премияләр: | |
Дилүс Хуҗәхмәтов |
Дилүс Хуҗәхмәтов, Дилүс Дамир улы Хуҗәхмәтов (1987 елның 29 августы, ССРБ, РСФСР, ТАССР, Чаллы) — курчак театры актеры, 2002 елдан — Яр Чаллы курчак театрында, 2012 елдан — Татар дәүләт «Әкият» курчак театрында хезмәт итә. Татарстанның атказанган артисты (2018). «Тантана» (2011, 2015, 2019, 2021, 2022, 2024) һәм «Алтын битлек» (2024) премияләре лауреаты.
![]() | |
---|---|
![]() |
Яр Чаллы курчак театрында уйнаган рольләре. |
Тәрҗемәи хәле
[үзгәртү | вики-текстны үзгәртү]1987 елның 29 августында Чаллыда туган. Туган шәһәрендә 7нче музыка лицееның театр бүлеген (бик яхшы билгеләргә), Чаллының 52нче татар мәктәбенең тугыз классын тәмамлаган (2002). 14 яшеннән һөнәри театр дөньясына кереп киткән — Чаллы дәүләт курчак театрында эшли башлаган: башта сәхнә машинисты, тавыш операторы, соңрак — актер[1]. «Курчак театры актеры» белгечлеге буенча Казан театр укуханәсен (2015, читтән торып), Социаль һәм гуманитар белемнәр институтының икътисад факультетын тәмамлаган. Ун ел Яр Чаллы курчак театрында эшләгән. 28 спектакльдә 60 роль башкарган[2]. 2012 елдан – Илдус Зиннуров чакыруы буенча, Казанда, Татар дәүләт «Әкият» курчак театрында хезмәт итә. Театр коллективы белән РФ төбәкләрендә, якын һәм ерак чит илләрдә гастрольләрдә, курчак театрларының халыкара фестивальләрендә катнаша: «Оренбургский арбузник» (Ырынбур), «Радуга» (Самар), «Серебряный осетр» (Волгоград), «ЛИКУРИЧ-65» (Кишинев, Молдова), «И-Волга» (Тольятти), II Баку халыкара курчак театрлары фестивале (2013, Баку, Азәрбайҗан), II «Театральное Поволжье» -«Ниточка» Идел буе округы курчак театрлары фестивале (2014, Уфа), VII «Белгородская забава» халыкара фестивале (2015, Белгород) һ. б.
Башкарган рольләре
[үзгәртү | вики-текстны үзгәртү]![](http://upload.wikimedia.org/wikipedia/tt/thumb/9/9b/%D0%94.%D0%94.%D0%A5%D1%83%D2%97%D3%99%D1%85%D0%BC%D3%99%D1%82%D0%BE%D0%B2_1.jpg/200px-%D0%94.%D0%94.%D0%A5%D1%83%D2%97%D3%99%D1%85%D0%BC%D3%99%D1%82%D0%BE%D0%B2_1.jpg)
- Булат — «И, сөйкемле Шүрәле» Гөлшат Зәйнашева
- Илшат, малай — «Кәкрүшкә» Ренат Харис
- Шүрәле — «Кыш бабай бүләкләре» Н. Абрамцева
- Кырмыска — «Җырлап узган җәй» Нәби Дәүли
- Бабай — «Кәҗә белән Сарык» Габдулла Тукай
- Нихати — «Ана күзләре» Зиннур Думави (япон әкияте буенча)
- Котбетдин — «Котбетдин маҗаралары» Н. Гернет
- Лачын — «Таңга - Чулпан, айга – Зөһрә» Зөлфәт
- Кенәз Вано Пантиашвили — «Ханума» А. Цагарели
- Гудвин — «Зөбәрҗәт шәһәр тылсымчысы» А. Волков
- Пацюк, Чуб — Раштуа алды төне – Николай Гоголь һ. б.
Тавыш яздыру
[үзгәртү | вики-текстны үзгәртү]«Шаян» телеканалыннан барган бик күп популяр мультфильмнарны татарча сөйләштерүче актер — «Кечкенә викинг Вик»та Хал, Снуре, Свен, Джурей, Урби, Горн, Фекс, Ульме Покслар, «Тычкан абый дәресләре»ндә Профессор Квиз, Лаборант Чейзилар аның тавышы белән сөйләшә[3].
Бүләкләре, мактаулы исемнәре
[үзгәртү | вики-текстны үзгәртү]![](http://upload.wikimedia.org/wikipedia/tt/thumb/8/85/%D0%A2%D0%B0%D0%BD%D1%82%D0%B0%D0%BD%D0%B0_%D0%BF%D1%80%D0%B5%D0%BC%D0%B8%D1%8F%D1%81%D0%B5.jpg/150px-%D0%A2%D0%B0%D0%BD%D1%82%D0%B0%D0%BD%D0%B0_%D0%BF%D1%80%D0%B5%D0%BC%D0%B8%D1%8F%D1%81%D0%B5.jpg)
Д. Хуҗәхмәтов чит шәһәрләрдә үткән фестивальләрдә «Иң яхшы ир-ат роле» төрендә җиңүләр яулап кайта:
- 2008 — «Иң яхшы ир-ат роле» номинациясендә җиңүче (Винница, Украина)
- 2009 — «Ел актеры» шәһәр бәйгесе җиңүчесе (Чаллы)
- 2010 — «Иң яхшы эпизодик рольне башкаручы» номинациясендә җиңүче (Волгоград, «Серебряный осетр» фестивале)[4]
- 2011 — «Мәдәнияттә ирешкән уңышлары өчен» күкрәк билгесе[5]
- 2011 — «Тантана» премиясе — «Курчак театрының иң яхшы артисты» номинациясендә җиңүче
- 2015 — «Тантана» премиясе — «Ханума» спектаклендәге Кенәз Вано Пантиашвили роле өчен[6]
- 2018 — Татарстанның атказанган артисты[7]
- 2019 — «Тантана» премиясе (төркем эчендә) — «Иң яхшы ансамбль» номинациясендә «Раштуа алды төне» спектаклендәге (Николай Гоголь) роле өчен
- 2021 — «Тантана» премиясе — Чаллы дәүләт курчак театрында «Әлдермештән Әлмәндәр» спектаклендә Әҗәл ролен башкарган өчен (Әлмәндәр ролен башкарган Юрий Чуктиев белән икесенә)[8]
- 2022 — «Тантана» премиясе — «Курчак театрының иң яхшы артисты» номинациясендә «Әкият» курчак театрында «Адәмнәр» спектаклендәге роле өчен [9]
- 2024 — «Тантана» премиясе — «Курчак театрының иң яхшы артисты» номинациясендә «Әкият» курчак театрында Евгений Водолазкинның «Авиатор» спектаклендә Иннокентий Платонов роле өчен[10]
- 2024 ― «Алтын битлек» премиясе ― «Курчак театрында иң яхшы актер эше» номинациясендә ― Евгений Водолазкин романы буенча куелган «Авиатор» спектаклендә төп герой Иннокентий Платонов өчен[11]
Гаиләсе
[үзгәртү | вики-текстны үзгәртү]Хатыны — Лилия, Казан дәүләт мәдәният һәм сәнгать университетын тәмамлаган (Наилә Гәрәева курсы). Чаллы курчак театрында оештыручы-педагог булып эшләгән. 2011 елда өйләнешкәннәр. Улы Кәрим, кызы Мәликә.
Искәрмәләр
[үзгәртү | вики-текстны үзгәртү]- ↑ Ундүрт яшендә артист булган егет(үле сылтама). «Шәһри Казан», 17.04.2014
- ↑ Я не любил играть принцев. «Новая Неделя», 02.04.2010(рус.)
- ↑ Әкият иленнән. «Көмеш кыңгырау», 19.11.2018
- ↑ Их – жюри – не поймешь(үле сылтама). «Вечерние Челны»(рус.)
- ↑ Дилюс Хузиахметов: “Мы оживляем куклы”(үле сылтама). «События», 28.03.2011(рус.)
- ↑ Гөлинә Гыймадова. Без барыбыз да актерлар. «Ватаным Татарстан», 29.03.2016
- ↑ Дүрт сәнгать әһеле «Татарстанның атказанган артисты» исеменә лаек булды 2018 елның 25 май көнендә архивланган.. Татар-информ, 22.03.2018
- ↑ «Тантана - 2021» театр премияләрен тапшыру. «Татар-информ» онлайн, 27.03.2021
- ↑ Объявлены победители театральной премии Министерства культуры РТ «Тантана». 2022 елның 29 март көнендә архивланган. Министерство культуры Республики Татарстан, 28.03.2022
- ↑ Р. Мөхәммәтова. Дилүс Хуҗахмәтовка тагын бер «Тантана» премиясе тапшырылды. Татар-информ, 27.03.2024
- ↑ Рузилә Мөхәммәтова. Татарстанда режиссер эше буенча беренче «Алтын битлек»не Илгиз Зәйниев алды. Татар-информ, 24.06.2024
Әдәбият
[үзгәртү | вики-текстны үзгәртү]- Лилия һәм Дилүс Хуҗиәхмәтовлар: Фатир булганны көтсәң, баласыз картаясың. «Гаилә һәм мәктәп», 2016 ел, март.
Сылтамалар
[үзгәртү | вики-текстны үзгәртү]- Дилүс Хуҗәхмәтов. Театрның рәсми сайты
- Вконтакте сәхифәсе
- Dilyus-Huzyahmetov. facebook.com
Моны да карагыз
[үзгәртү | вики-текстны үзгәртү]- Калыпны чакыруда кабатлана торган аргументлар кулланган битләр
- Әлифба буенча шәхесләр
- 29 август көнне туганнар
- 1987 елда туганнар
- Чаллыда туганнар
- Википедия:Театр эшлеклеләре турында портретсыз мәкаләләр
- Татарстанның атказанган артистлары
- «Тантана» премиясе лауреатлары
- Казан театр укуханәсен тәмамлаучылар
- «Әкият» театры актерлары
- Чаллы курчак театры актерлары
- «Алтын битлек» премиясе лауреатлары