Винарис Ильегет
| Винарис Ильегет | |
 | |
| Төп мәгълүмат | |
|---|---|
| Тулы исеме |
Виталий Ефимович Блехер |
| Туу көне | |
| Туу урыны | |
| Эшчәнлек еллары |
2000 - х. в. |
| Дәүләт | |
| Һөнәрләр | |
| Жанрлар |
эстрада |
| Бүләкләр |
|
| Винарис Ильегет | |
Винарис Ильегет, шулай ук Винарис Илъегет (сәхнә исеме), паспорттагы исеме Виталий Ефимович Блехер (1978 елның 11 марты, СССР, РСФСР, Пермь) ― эстрада җырчысы, артист-вокалист (солист), «Ре Мажор» ҖЧҖ генераль директоры[1], «Болгар радиосы», «Туган тел» милли музыкаль премияләре иясе. Татарстанның атказанган артисты (2023).
Тәрҗемәи хәле[үзгәртү | вики-текстны үзгәртү]
1978 елның 11 мартында[2] Пермь шәһәрендә гаиләдә икенче бала булып туган. Әтисе Ефим Блехер, әнисе Маһирә Ильзигитова (икесе дә вафатлар), гаиләдә 12 яшькә өлкәнрәк апасы бар. Балачагы әнисенең туган ягы ― Пермь өлкәсе Пермь районы Куян авылында үтә. Әтисе Ефим ― яһүд, Еврей автономияле өлкәсенең башкаласы Биробиджан шәһәреннән, аның әти―әнисе сугыш елларында вафат булган, шул сәбәпле Ефим балалар йортында үскән. Куян авылыннан ерак булмаган хәрби частьтә танкист булып хезмәт иткән, моңа өстәп армиядә оркестрда уйнаган[3].
Виталий (Винарис) Пермьнең 81нче рус мәктәбендә укыган. Параллель рәвештә музыка мәктәбендә белем алган. Сәнгать мәктәбендә дә укыган. Өченче сыйныфта укыганда, Россиядә бердәнбер булган малайлар хор мәктәбенә җибәргәннәр. Вокал буенча башка бер җирдә дә укымаган. Пермь дәүләт мәдәният институтының режиссура кафедрасын тәмамлаган.
2000 елдан бирле Казанда яши, татар эстрадасына катнашып китә. Аның репертуарында кызу темплы, шаян, күңелле җырлары арасында мәгънәле, күңелнең иң нечкә кылларын тибрәтүче салмак җырлар да шактый урын ала: «Мөкәррәмә», «Чиялектә», «Кәтүк түти», «Син булмасаң», «Мәхәббәт күбәләге», «Ана», «Сөю гөлем», «Эзләдем, бәгърем, сине», «Килеп китсәм ни була», «Рәхмәт, әти», «Юанша», «Пермьның егетләре», «Үз кешем», «Әйдә, иркәм», «Егетләр», «Ник дәшмисең», «Җүләр чаклар», «Онытма», «Яннарымда матур кызлар», «Әллә ниләр уйлама, әни», «Марина, Лена, Натуша» һ.б.[4]
Эшмәкәрлек белән дә шөгыльләнә. 17 яшендә Пермьдә татар клубы оештырган булган, аннары аерым бина алып, татар дискотекалары үткәргән. Казанда банкет залы («Маһирә», Пушкин урамы) белән кафе тота. Концертларда, Сабан туйларында чыгыш ясый[5].
Сәхнә исемен (Винарис Ильегет), Хәмдүнә Тимергалиева тәкъдиме белән, әнисенең фамилиясеннән (Ильзигитова) кыскартып ясаган.
Бүләкләре, мактаулы исемнәре[үзгәртү | вики-текстны үзгәртү]
- 2022 ― «Болгар радиосы» милли музыкаль премиясе («Иң оригиналь җырчы») [6]
- 2023 ― Татарстанның атказанган артисты ― музыка сәнгате үсешенә керткән өлеше өчен [7]
Гаилә хәле[үзгәртү | вики-текстны үзгәртү]
Унҗиде яшендә беренче мәртәбә өйләнгән булган.
26 яшьләр тирәсендә ислам диненнән православие диненә күчкән (яһүди әтисе әнисенә өйләнер өчен ислам динен кабул иткән булган).
2023 елда эстрада җырчысы Лилия Хәмитова (1970 елда Арча эшчеләр бистәсендә туган) белән туй ясаган[8].
Искәрмәләр[үзгәртү | вики-текстны үзгәртү]
- ↑ Винарис Ильегет ВКонтакте
- ↑ Винарис Ильегет. Подробная информация
- ↑ Винарис Ильегет: «Әнигә өйләнер өчен әти ислам динен кабул иткән». «Шәһри Казан»
- ↑ Винарис Ильегет җырлары
- ↑ Эльвира Шакирова. Винарис: «Паспорттагы исемем ― Блехер». «Шәһри Казан», 3.08.2022
- ↑ Миляуша Кашафутдинова. В Казани прошла Х Национальная музыкальная премия «Болгар Радиосы». «Реальное время»
- ↑ «Для меня это большая честь»: Винарис Илъегет стал заслуженным артистом Татарстана. ТНВ, 11.10.2023
- ↑ Две звезды: как в Казани отгуляли свадьбу Винарис Ильегет и Лилия Хамитова. Новости Mail.ru, 16 августа 2023(рус.)
Сылтамалар[үзгәртү | вики-текстны үзгәртү]
- Эльвира Шакирова. Винарис: «Паспорттагы исемем ― Блехер». «Шәһри Казан», 3.08.2022
- Лучшие песни Винарис Ильегет