Рәшит Мостафин
| Рәшит Мостафин | |
|---|---|
 | |
| Туган телдә исем | Рәшит Шәкүр улы Мостафин |
| Туган | 6 гыйнвар 1946 СССР, РСФСР, ТАССР, Казан |
| Үлгән | 11 июнь 2023 (77 яшь) РФ, ТР, Казан |
| Милләт | татар |
| Ватандашлыгы |  СССР РФ |
| Әлма-матер | Казан дәүләт мәдәният һәм сәнгать университеты |
| Һөнәре | баянчы, дирижер |
| Җефет | Елена Николаевна (1963), концертмейстер |
| Балалар | улы Искәндәр (1970), кызлары Ләйсән (1973), Әдилә (1995), Айсылу (2005) |
| Ата-ана |
|
| Бүләк һәм премияләре | ТАССР халык артисты |
| Сайт | http://ыwww.tatans.com |
Рәшит Мостафин, Рәшит Шәкүр улы Мостафин (06.01.1946 ― 11.06.2023) — музыкант (баянчы), дирижер, композитор, Татар дәүләт җыр һәм бию ансамбле оркестры җитәкчесе. ТАССР халык артисты (1986).
Тәрҗемәи хәле[үзгәртү | вики-текстны үзгәртү]
1946 елның 6 гыйнварында Казанда туган. Балачагы әнисенең туган ягы Балтач районы Сасна авылында уза. Әтисе — сәяси золым корбаны. Әнисе — Сасна авылының беренче тракторчы хатын-кызы, соңрак Казанда газосварщик, паровоз машинисты.
«Баян» классы буенча Казанда музыка мәктәбен (педагог Миңҗамал Мазунова), Ижау музыка укуханәсен (1964), Казан дәүләт мәдәният институтын[1] (1977) тәмамлаган. 1960-1961 елларда Казан музыка укуханәсендә укыган, ләкин «сәләтсез» дигән сылтау белән әлеге уку йортыннан чыгарыла.
Удмуртия башкаласында музыка укуханәсен тәмамлап, Казанга кайта, Татар дәүләт җыр һәм бию ансамбленә Марс Макаров, Нәсих Вилданов, Илдар Җаббаровлар янына дүртенче баянчы булып урнаша.
ДОСААФның Казан аэроклубында очучылык һөнәрен үзләштереп, Красноярск крае Ейск каласында хәрби хезмәтен үти.
2023 елның 11 июнендә, 77 яшендә Казанда вафат. Балтач районы Сасна авылында җирләнә [2]
Хезмәт юлы[үзгәртү | вики-текстны үзгәртү]
- 1964 елдан баянчы.
- 1968 елдан, армиядән соң, янәдән Татар дәүләт җыр һәм бию ансамбленда (җитәкче Александр Ключарев) баянчы.
- 1970 елдан баянчылар квартеты җитәкчесе.
- 1972 елдан Татар дәүләт җыр һәм бию ансамбленда оркестр җитәкчесе, баш дирижёр[3].
- Оркестр җитәкчесе сыйфатында ансамбль белән дөньяның 30 илендә (АКШ, Төркия, Франция, Алмания һ.б.) чыгышлар ясый. Бөтендөнья Конфолан фестиваленың (Франция) йомгаклау тантанасында Татарстан, Коста-Рика, Мексика, Испания, Франция оркестрларыннан торган бердәм оркестр белән җитәкчелек итә.
Хезмәтләре[үзгәртү | вики-текстны үзгәртү]
40 тан артык композиция буенча әсәре басылган. Аранжировкалау остасы. Күп санлы җырларның көй авторы. Татар көйләрен, башка халыкларның (чирмеш, башкорт, чуаш, азәрбайҗан, үзбәк, каракалпак, кыргыз, казакъ һ.б.) музыкасын әлеге милләтнең үз уен коралында башкарырга сәләтле оркестр барлыкка китерде.
Бүләкләре, мактаулы исемнәре[үзгәртү | вики-текстны үзгәртү]
- 1986 ТАССР халык артисты
- Башкаручыларның Бөтенроссия конкурсы лауреаты
- Халыкара конкурслар лауреаты
Кызыклы факт[үзгәртү | вики-текстны үзгәртү]
- 14 төрле уен коралында уйный белә.
- Музыка уен кораллары (бигрәк тә аккордеон, гармун, баян) туплау һәм реставрацияләү белән мавыга.
Искәрмәләр[үзгәртү | вики-текстны үзгәртү]
- ↑ 1974-1991 елларда һәм 2015 елдан Казан дәүләт мәдәният институты
- ↑ Рузилә Мөхәммәтова. Мәшһүр музыкант, виртуоз баянчы, композитор Рәшит Мостафин вафат. Татар-информ, 11.06.2023
- ↑ Татар дәүләт җыр һәм бию ансамбле сайты
Әдәбият[үзгәртү | вики-текстны үзгәртү]
- Кирам Сатиев, Филүсә Арслан. Гармунчылар патшасы. «Мәдәни җомга», 2016 ел, 29 гыйнвар, № 3.
- Татар энциклопедиясе. Т.4. Казан, 2014.
Сылтамалар[үзгәртү | вики-текстны үзгәртү]
- Гармунчылар патшасы 2016 елның 26 апрель көнендә архивланган.
- Р.Ш. Мостафин «Милләттәшләр» сайтында
- Р.Ш. Мостафин «Татар иле» мәгълүмати-ресурслы татар социаль челтәрендә(үле сылтама)
