Рубин Абдуллин

Wikipedia — ирекле энциклопедия проектыннан ([http://tt.wikipedia.org.ttcysuttlart1999.aylandirow.tmf.org.ru/wiki/Рубин Абдуллин latin yazuında])
Навигациягә күчү Эзләүгә күчү
Рубин Абдуллин
Р.К.Абдуллин.jpg
Туган телдә исем Рубин Кәбир улы Абдуллин
Туган 19 август 1950(1950-08-19) (69 яшь)
Мари АССР Йошкар-Ола
Милләт татар (кырымтатар)
Ватандашлыгы ССРБFlag of the Soviet Union.svg ССРБ
РусияFlag of Russia.svg Русия
Әлма-матер Казан дәүләт консерваториясе
Һөнәре музыкант, ректор
Балалар улы Искәндәр (1975)
Ата-ана
Бүләк һәм мөкәфәтләре Муса Җәлил премиясе (1988)
РФ дәүләт премиясе (2000)

Рубин Абдуллин, Рубин Кәбир улы Абдуллин, рус. Абдуллин Рубин Кабирович (19.08.1950) — музыкант (оргáн), Казан дәүләт консерваториясе ректоры (1988 елдан), ТР (1992) һәм РФ (2007) халык артисты, РФ атказанган сәнгать эшлеклесе (1997), Муса Җәлил премиясе лауреаты (1988), РФ дәүләт премиясе лауреаты (2000). Халыкара музыка әһелләре берлеге әгъзасы. РФ органчылар берлеге рәисе. Профессор (1992).

Тәрҗемәи хәле[үзгәртү | вики-текстны үзгәртү]

1950 елның 19 августында Мари АССР Йошкар-Ола шәһәрендә туган. Әтисе Кәбир Абдуллин — элемтә техникумы укытучысы, әнисе Саре Нури — икътисад фәннәре докторы, РФ атказанган фән эшлеклесе, Казан финанс-икътисад институты профессоры. Әнисе ягыннан карт бабасы Гази Хәбибулла (1864-1929) — Массандраның баш виноград үстерүчесе, граф Воронцов утары (Алупка шәһәре) идарәчесе булган.

«Фортепиано» белгечлеге буенча Казан дәүләт консерваториясен (профессор Э.А. Монасзон сыйныфы) (1973), «Оргáн» белгечлеге буенча Ленинград дәүләт консерваториясен (профессор Н.И. Оксентян сыйныфы) (1974), Мәскәү дәүләт консерваториясендә аспирантураны (Л.И.Ройзман курсы) (1979) тәмамлаган[1] .

Хезмәт юлы[үзгәртү | вики-текстны үзгәртү]

Иҗаты[үзгәртү | вики-текстны үзгәртү]

XX гасырда оргáн өчен язылган әсәрләрне, шул исәптән Татарстан композиторлары Шамил Шәрифуллин, А. Миргородский, Рәшит Кәлимуллин әсәрләрен беренче башкаручы. М. Мусоргскийның «Картинки с выставки», Нәҗип Җиһановның 5 нче симфониясеннән Largo, Фасил Әхмәтовның «Хәтер» әсәрләрен оргáн өчен үзгәртеп язган.

«Татарстан — Яңа Гасыр» ДТРК сендә 200 язмасы саклана. РФнең барлык оргáн үзәкләрендә, чит илләрдә (Бөекбритания, Алмания, Испания, Италия, Латвия, Литва, Франция, Швейцария, Швеция, Эстония, АКШ һ. б.) чыгыш ясый.

Шәкертләре арасында — С. Бережная, Л. Камелина, А. Титов, Д. Зарецкий, Л. Лабзина, Е. Базова, Е. Бурундуковская, Д. Мееркова.

Казан консерваториясе катнашында халыкара, республикакүләм башкаручылар бәйгеләрен оештыручы.

Музыка сәнгате мәсьәләләре буенча мәкаләләр авторы, оргáн һәм фортепиано өчен әсәрләр җыентыкларын төзүче («Советский композитор» нәшрияты), Татарстан композиторларының оргáн өчен әсәрләре җыентыклары мөхәррире.

Дискография[үзгәртү | вики-текстны үзгәртү]

  • К. Сен-Санс. Оргáн һәм оркестр өчен до минор симфониясе. Дирижер Фуат Мансуров. Казан, 1997 (CD).
  • И. С. Бах. Klavierubung. III кисәк. Екатеринбург, 2000 (CD).

Бүләкләре, мактаулы исемнәре[үзгәртү | вики-текстны үзгәртү]

  • 1992 ТР халык артисты
  • 2007 РФ халык артисты
  • 1997 РФ атказанган сәнгать эшлеклесе
  • 1988 Муса Җәлил премиясе
  • 2000 РФ дәүләт премиясе (иҗат төркеме эчендә) — Салих Сәйдәшев исемендәге Казан дәүләт Зур концерт залын төзегән өчен[2].
  • «Русия халыклары мирасына керткән өлеше өчен» медале
  • «Бәллүр пирамида» хәйрия фонды премиясе

Чыганаклар[үзгәртү | вики-текстны үзгәртү]

  1. Татарский энциклопедический словарь. Казань: Институт Татарской энциклопедии АН РТ, 1999. ISBN 0-9530650-3-0

Сылтамалар[үзгәртү | вики-текстны үзгәртү]

Моны да карагыз[үзгәртү | вики-текстны үзгәртү]

Искәрмәләр[үзгәртү | вики-текстны үзгәртү]