Рауза Хәйретдинова

Wikipedia — ирекле энциклопедия проектыннан ([http://tt.wikipedia.org.ttcysuttlart1999.aylandirow.tmf.org.ru/wiki/Рауза Хәйретдинова latin yazuında])
Навигациягә күчү Эзләүгә күчү
Рауза Хәйретдинова
Рауза Хәйретдинова.jpg
Туган телдә исем Рауза Котдус кызы
Туган 3 гыйнвар 1928(1928-01-03) (91 яшь)
Кызыл Йолдыз районы, Яңа Ырга авылы
Үлгән 15 ноябрь 2018(2018-11-15)[1] (90 яшь)
Казан, Татарстан
Яшәгән урын Щапов урамы, Казан[2]
Милләт татар
Һөнәре театр артисты
Балалар улы Марат[3]
Бүләк һәм мөкәфәтләре ТАССР халык артисты - 1970РСФСР атказанган артисты - 1979

Рауза Котдус кызы ХәйретдиноваТатар академия театрының мәшһүр артисты. Татарстан АССРның халык (1970), РСФСРның атказанган (1979) артисты.

Биография[үзгәртү | вики-текстны үзгәртү]

Рауза Хәйретдинова (Ганиева) 1928 елның 3 гыйнварында Татарстанның Балык Бистәсе районы Яңа Ырга авылында туган. 1948 елда Г.Камал театры каршындагы студияне тәмамлаганнан соң, ул биредә эшли башлый. Әле сәхнәдә иҗат итә генә башлаган чорда, актриса лирик пландагы яшь кызлар, бигрәк тә музыкаль рольләрне башкарса, соңрак исә үткен, чая характерлы образлар тудыра.

Сәхнәдә дә тормыштагы кебек гаять табигый итеп яши белгән Р. Хәйретдинова тарафыннан берсеннән-берсе үзенчәлекле, кабатланмас образлар иҗат ителә. Алар арасында “Зәңгәр шәл”дә (Кәрим Тинчурин) — Мәйсәрә, “Галиябану”да (Мирхәйдәр Фәйзи) — Галиябану, “Гүзәлем Әсәл”дә (Чыңгыз Айтматов) — Хәдичә, “Таң атканда”да (Ш. Шаһгали) — Гөлбикә, “Татар хатыны ниләр күрми” дә (Галимҗан Ибраһимов) — Гөлбану, “Әниләр һәм бәбиләр”дә (Туфан Миңнуллин) — Вазифа, “Рәхәт яшибез”дә (М.Гыйләҗев) — Волчанская һәм башка күп кенә образлар бар.

1991 елдан актриса Г.Камал исемендәге Татар дәүләт академия театрының “Инсаният” труппасында иҗат итә.

Бүләкләре, мактаулы исемнәре[үзгәртү | вики-текстны үзгәртү]

Гаиләсе[үзгәртү | вики-текстны үзгәртү]

Ире Нури (Нуретдин) Ганиев, Балтач районы Хәсәншәех авылында туган. Фәлсәфә фәннәре кандидаты, Казан дәүләт медицина институты фәлсәфә кафедрасы укытучысы.

улы Марат (1953 елның 31 августында туган). Казанда хәрби-ракета укуханәсен, КДУ тарих факультетын тәмамлаган, фәлсәфә фәннәре кандидаты. Хатыны Лариса. Балалары Марина, Тимур.

Китабы[үзгәртү | вики-текстны үзгәртү]

  1. Рауза Хәйретдинова. Гомер сәхнәсе (истәлекләр, хатирәләр). Казан: ТКН, 2006. ISBN 5-298-03947-2

Сылтамалар[үзгәртү | вики-текстны үзгәртү]

Искәрмәләр[үзгәртү | вики-текстны үзгәртү]

  1. Азатлык радиосы
  2. Жители.инфо сайты
  3. Мин сине ничек яраттым. Казан: «Ак Барс», 2004