Ягымлы яз (фестиваль)

Ягымлы яз
Жанрлар	җыр, бию, шигырь
Үткәрү еллары	1993 — х.в.
Ил	Россия Россия
Шәһәр	Казан (Татарстан)
Тел	татар, рус

Ягымлы яз (фестиваль) (Студентларның «Ягымлы яз» ачык Казан милли иҗат фестивале) — Казанда яз айларында (апрель, май) уза торган татар студент яшьләренең милли иҗаты ачык фестивале. 1993 елдан башлап үкәрелә.

«Ягымлы яз-2014» җиңүчеләре

Максаты

• Студент яшьләр арасында татар мәдәниятен үстерү;
• Казан шәһәре, Татарстан Республикасы, Россия Федерациясе һәм чит илләрнең югары һәм урта махсус уку йортлары студентларының милли сәнгать коллективлары арасында дуслык мөнәсәбәтләрен урнаштыру һәм үстерү;
• студент яшьләргә иҗади яктан үз-үзләрен күрсәтү өчен шартлар тудыру;
• башкару осталыгын күтәрү, үзешчән иҗат коллективларының репертуарын баету;
• иҗат коллективларына һәм башкаручыларга стимул бирү һәм бүләкләү;
• студент яшьләрнең милли үзешчән сәнгать коллективларын эзләп табу һәм аларга ярдәм итү;
• милли мәдәниятне һәм гореф-гадәтләрне популярлаштыру һәм пропагандалау.

Катнашучылар

Казан, Татарстан һәм Россиянең башка регионнары, чит илләрдән югары һәм махсус урта уку йортлары талиплары.

Ярыш турлары

Ярыш ике турда уза. Сайлап алу туры (Казаннан читтә яшәүчеләр иҗатлары турында видеоязма җибәреп катнаша ала), икенче тур, гала-концерт.

Оештыручылар

Казан мэриясе, Казан башкарма комитетының телләрне үстерү һәм иҗтимагый оешмалар белән бәйләнеш бүлеге, «Идел» яшьләр үзәге дәүләт оешмасы, Бөтендөнья татар конгрессы башкарма комитеты.

Юнәлешләре

Музыка юнәлеше

• Номинацияләр: ялгыз җыр, вокаль ансамбльләр, милли уен коралларында уйнаучылар.

Хореография (ялгыз бию, иҗади төркем)

• Номинацияләр: татар халык биюе, эстрада биюе, заманча татар биюе.
• 1 чыгыш — татар биюе, 2 чыгыш — дөнья халыклары биюе.

Театр

• Номинацияләр: театр, конферанс-нәфис сүз.

Мода театры

1– чыгыш — татар милли киеме (заманча тупланма), 2- чыгыш — дөнья халыклары киеме (заманча тупланма).

Мисс «Ягымлы Язбикә»

• 16-22 яшьлек, татар телен белүче студент кызлар катнаша.

Шагыйрьләр бәйгесе

• Номинацияләр: шигырь, җыр сүзләре.
• 14-30 яшьлек авторлар ике мәртәбә татар телендә 4 минутлык чыгыш ясый.

Җиңүчеләрне билгеләү

Җиңүчеләрне оештыру комитеты, танылган артистлар, композиторлар, мөгаллимнәр, шагыйрьләр, продюсерлар, режиссёрлар, җурналистлар, фестиваль химаячеләреннән сайлап алып, билгеләгән жюри сайлый. Лауреатлар һәм диплом ияләре чыгышы 5-10 баллы бәя белән билгеләнә.

• «Ягымлы яз» лауреатлары диплом, акчалата бүләк, кыйммәтле бүләк ала. Жюри шулай ук махсус призлар билгеләргә дә хокуклы.
• «Ягымлы яз» лауреатлары һәм диплом ияләре башкаруындагы җырлардан компакт-диск чыгару мөмкинлеге каралган.

Сылтамалар

• Фестивальне үткәрү турында Нигезләмә 2014 елның 21 август көнендә архивланган.
• Татарстанның РФдәге вәкиллеге сайты 2016 елның 4 март көнендә архивланган.
• Афәрин «Ягымлы яз» җиңүчеләренә 2021 елның 4 март көнендә архивланган.
• Самара татарлары рәсми сайты(үле сылтама)