Гали Динмөхәммәтов

Гали Динмөхәммәтов
Гали Динмөхәммәтов
ТАССР Югары шурасы президиумы рәисе
	Вазыйфада; 1938 ел – 1951 ел
Аңа кадәр	үзе ТатҮБК рәисе в.б. буларак
Дәвамчысы	Сәләх Низамов
ТатҮБК рәисе в.б.
	Вазыйфада; 1937 ел – 1938 ел
Аңа кадәр	Гомәр Байчурин
Дәвамчысы	үзе ТАССР Югары шурасы президиумы рәисе вазыйфасында
Туган	1892; Яңа Ибрай, Аксубай вулысы, Чистай өязе, Казан губернасы, Россия империясе
Үлгән	20 август 1951; Казан, РСФСР, СССР

*Гали Динмөхәммәтов*
Гали Динмөхәммәтов
Туган телдә исем	Гали Афзалетдин улы Динмөхәммәтов
Туган	1892; Аксубай районы Яңа Ибрай авылы
Үлгән	1951; Казан
Яшәгән урын	Бутлеров урамы, Казан
Милләт	татар
Ватандашлыгы	Русия империясе →; РСФСР ССРБ
Һөнәре	дәүләт эшлеклесе
Сәяси фирка	Советлар Берлеге коммунистик фиркасе
Бүләк һәм премияләре
	Гали Динмөхәммәтов Викиҗыентыкта

Бу терминның башка аңлатмалары да бар, аларны карау өчен Динмөхәммәтов битенә күчегез.

Гали Динмөхәммәтов (Гали Афзалетдин улы Динмөхәммәтов, 1892, Яңа Ибрай, Аксубай вулысы, Чистай өязе, Казан губернасы, Россия империясе — 20 август 1951(1951-08-20), Казан, РСФСР, СССР) – дәүләт эшлеклесе, 1937-1938 елларда ТатҮБК рәисе вазыйфаларын башкаручы, 1938-1951 елларда ТАССР Югары шурасы президиумы рәисе.

Тәрҗемәи хәле[үзгәртү | вики-текстны үзгәртү]

1892 елда Аксубай районы Яңа Ибрай авылында туган. Ятим калып, 8 яшеннән батраклыкка яллана. 13 яшендә авылны ташлап китәргә мәҗбүр була. Уралда, Себердә (Чиләбе, Омск, Бодайбо) эшләп йөри. 1916 елда хәрби хезмәткә алына. Ватандашлар сугышында катнаша. 1920 елда фиркагә кабул ителә.

1921 елда Якутиягә фирка эшен оештырырга җибәрелә.
1923 елда фирка Тум губерна комитетында татар бүлекчәсе сәркатибе.
1926-1930 РКП (б) үзәк комитетында татар-башкорт бюросы җаваплы сәркатибе.
1929-1931 Мәскәүдә марксизм-ленинизм курсларында укый.
1932 елдан Башкортстан АССРда фирка өлкә комитетында шура-фирка контроле комиссиясе рәисе.
1935 елдан Омск өлкәсендә фирка эшендә.
1936 елдан Татарстан АССРга җибәрелә. 1937 елның сентябренда ТатҮБК рәисе вазыйфаларын башкаручы итеп сайлана. 1938 елда Татарстан АССР Югары шурасына депутат булып сайлана, аннары гомеренең азагына хәтле ТАССР Югары шурасы президиумы рәисе булып эшли.

1942 елдан барлык фронтларның сәяси бүлекләре каршында татар телендә газеталар чыгара башлауга булышлык итә.
1942 ел башыннан хәрәкәттәге Кызыл гаскәр сугышчыларына һәм хәрби башлыкларга бүләкләр җыю буенча республика комиссиясен җитәкли. Калинин фронтына бүләкләр илтеп кайта.
1943 елда Орел өлкәсенең туздырылган хуҗалыгын аякка бастыру, төзекләндерү өчен Татарстан АССРдан ярдәм оештыра: төзелеш материаллары, кием, азык-төлек, акча, терлек, авыл хуҗалыгы кораллары җибәрелә.
1945 елның февраленән ТАССРның 25 еллыгына әзерлек йөзеннән Казан урамнарын төзекләндерү эшен башлап җибәрә.

Татарский энциклопедический словарь. — Казан: Институт Татарской энциклопедии АН РТ, 1998.