Франция

Bu mäqäläneñ Latin älifbasındağı igezäge bar.

Франция Җөмһүрияте République française Франция Байрак Герб Девиз: «Liberté, Égalité, Fraternité (Азатлык, Тигезлек, Кардәшлек)» Гимн: «Марсельеза» Дәүләт төзелеше унитар дәүләт Рәсми тел француз теле Башкала Париж Эре шәһәрләр Париж, Лион, Марсель, Лилль, Бордо Президент Франсуа Олланд Премьер-министр Жан-Марк Айро Мәйдан – Барлыгы – % Су 674 843 км² 0,26 %% Халык саны – Барлыгы (2010) – Тыгызлык 65 447 374 кеше 115 кеше/км² Акча Евро Тулаем милли продукт $2,063 трлн. ТМП кеше башына $42,747 Вакыт UTC +1 Интернет домены .fr Телефон коды +33

Франция (фр. France [fʁɑ̃s], рәсми атамасы Франция Җөмһүрияте (République française) — Көнбатыш Аурупада урнашкан дәүләт. Башкала — Париж каласы. Ил исеме борынгы герман кабиләсе исеменнән килә — франклар.

Франция халкының саны — 65,4 млн кеше (2010 елның гыйнвары), аларның арасында 90 %-ты Франция гражданнары. Канун чыгару органы — икепалаталы парламент. Административ бүленү — 26 регионга бүленә.

Аурупа берлегенә һәм НАТОга керә.

Географик мәгълүмат

Географик урнашу

Космостан күренеш

Франциянең күпчелек өлеше Көнбатыш Аурупада урнаша. Коры җир буенча ул төньяк-көнчыгышта Бельгия, Люксембург һәм Алмания белән, көнчыгышта Алмания һәм Швейцария белән, көньяк-көнчыгышта Монако һәм Италия белән, көньяк-көнбатышта исә Испания һәм Андорра белән чиктәш. Көнбатышта һәм төньякта ил территориясе Атлантик океан (Бискай култыгы һәм Ла-Манш бугазы), көньякта Урта диңгез тарафыннан юыла.

Шулай ук дәүләт составына Урта диңгездә урнашкан Корсика утравы һәм егермедән артык департаметлар һәм буйсынган территорияләр керә.

Илнең гомуми мәйданы 547 мең кв. км (буйсынган территорияләр белән 643,4 мең кв. км). Бу Аурупа Берлегенә кергән иң зур дәүләт.

Климат

Рослен күле

Франциянең кыйтга өлешендә климат уртача диңгезле, көньякта субтропик. Җәй көннәре гадәттә эссе һәм коры, июль аенда уртача температура + 23-25 градусны тәшкил итә. Шул вакытта гыйнвар аенда исә уртача температура + 7-8. Кыш көннәре өчен яңгырлар табигый.

Явым-төшем саны якынча 600—1000 мм. Таулы районнарда бу күрсәткеч 2000 мм-дан да югарырак улырга мөмкин.

Тарих

• 1792 — Беренче республика.
• 1848—1852 — Икенче республика.
• 1870—1940 — Өченче республика.
• 1946—1958 — Дүртенче республика.

Моны да карагыз

• Корсика