Әҗмәт

Әҗмәт
Нигезләнү датасы	1906
Дәүләт	Россия
Административ-территориаль берәмлек	Такталачык авыл җирлеге
Халык саны	134 (2000)
Почта индексы	423751

Әҗмәт — Татарстан Республикасының Актаныш районындагы авыл.

Халык саны — 121 тирәсендә. Почта индексы — 423751.

Тарих

1906 елда нигезләнгән. Актаныштан 17 чакрым төньяк-көнбатыштарак Шәбез елгасы буенда урнашкан. 1906 елда, су басудан еш бәла-каза күргәнлектән, Тау Такталачыктан күчеп утыралар. Авыл халкы үзен, явыз Иванның чукындыруыннан качып, Агыйдел ягына килеп төпләнгән Әҗмәт баба токымы дип саный.

  1917 елга кадәр 802 дисәтинә имана җирләре була. Игенчелек һәм терлекчелектән тыш киез итек басу белән дә шөгыльләнәләр.Соңгысын Совет чорында да курыкмый дәвам итәләр.

  1929 елның 16 декабрендә “Әҗмәт” исемле күмәк хуҗалыкка берләшәләр. 1939 елда бар кеше аңа кереп бетә. Ә аңа кермәгән 9 кеше репрессияләнә, өлгерләр читкә китеп котыла. Соңгы указлы муллалары Мулләхмәт Яһүдин була. Гафур Шәкүров, Шәйгәрдән Саттаровның үз предприятиеләре була, иген белән сәүдә итәләр. Сәүдә белән дә шөгыльлләнүчеләр була.

  “Таң” хуҗалыгына кушыла.

  Авылда башлангыч мәктәп эшли.

  1920 елга кадәр Такталачык волостенә карый, аннан Минзәлә кантонына кертелә.

Бөек Ватан сугышында 145 әҗмәтле катнаша, 51 е һәлак була.

Демография

Халык саны
1913	1922	1926	1938	1949	1958	1965	1970	1979	1989	2002	2010
458	534	519	410	277	296	293	276	234	137	134	121

Төп милләтләр (1989 елгы җанисәп буенча): татарлар.

Климат

Тәүлек буена һаваның уртача температурасы
Гый	Фев	Мар	Апр	Май	Июн	Июл	Авг	Сен	Окт	Ноя	Дек	Ел
-11.5 °C	-11.2 °C	-6 °C	3.9 °C	13.1 °C	18.7 °C	20.4 °C	17.6 °C	11.9 °C	4 °C	-5.3 °C	-10.8 °C	3.7 °C

Климат уртача континенталь. Кёппен-Гейгер климатлар классификациясе буенча климатның коды: Dfb. Уртача еллык һава температурасы 3.7 °C.

Шәхесләр

• Лилия Гыйбадуллина (1987), язучы, Саҗидә Сөләйманова премиясе лауреаты (2021).

Чыганаклар

• Татарская энциклопедия, Институт Татарской энциклопедии (ИТЭ) Академии наук РТ.