Табанлы Күл мәчете
| Мәчет | |
Табанлы Күл мәчете
Ак мәчет | |
 | |
| Ил | Россия |
| авыл | 423765 Татарстан, Актаныш районы, Табанлы Күл, Гагарин ур., 56 |
| Координатлары | 55° 27′0″N 53°44′0″E |
| Дин | Ислам |
| Мәхәллә | ТР МДН Актаныш районы мөхтәсибәте |
| Кайсы дини агымга карый | сөнни / хәнәфи |
| Бина төре | манарасы керү юлы өстендә урнашкан мәчет |
| Нигезләнгән | 2022 |
| Төзелеш еллары | 2022—2023 еллар |
| Төп даталар: | |
| Халәте | гамәлдә |
Табанлы Күл мәчете, җирле дини оешма Табанлы Күл авылының «Ак мәчет»е (рус. Мечеть деревни Табанлы Куль) ― Татарстанның Актаныш районы Югары Яхшый авыл җирлеге составына керүче [1] Табанлы Күл авылында 2023 елда ачылган ислам гыйбадәтханәсе (мәчет). Үзәкләшкән дини оешма Татарстан Республикасы мөселманнары Диния нәзарәтенең Актаныш районы мөхтәсибәте карамагында. Актаныш районы мөхтәсибәтендәге 57нче мәчет[2].
Тарих[үзгәртү | вики-текстны үзгәртү]
Уфа губернасының Минзәлә өязе Әмәкәй волостена кергән авылда 1848 елда мәчет булган[3], XX гасыр башында мәчет каршында мәктәп эшләгән[4].
Революциягә кадәр тирә-якта данлыклы булган мәчетне[5] 1930-елларда япканнар, бинасын хуҗалык эшендә кулланганнар, аннары бина юкка чыгарылган.
Яңа заман[үзгәртү | вики-текстны үзгәртү]
Табанлы Күл авылында яңа мәчет төзүне шушы авылда туып үскән, бүгенге көндә читтә яшәүче хәйрияче Рүзилә Шәймәрданова күтәреп чыга. Мәчет төзү өчен акча җыю башлана[6].
Яңа мәчеткә 2022 елның 24 июнендә нигез салынган. 2023 елның 3 мартында, ураза алдыннан, иганәчеләр ярдәме белән төзелгән мәчетнең манарасы урнаштырыла, бинага ярымай куела, беренче тапкыр намаз укыла[6].
Ачылу[үзгәртү | вики-текстны үзгәртү]
2023 елның 28 авгусында мәчетне ачу тантанасында район башлыгы Ленар Зарипов, «Челтәр компаниясе» генераль директоры Илшат Фәрдиев, Татарстанның төньяк-көнчыгыш төбәге казые, Актаныш районы имам-мөхтәсибе Руслан хәзрәт Мортазин, Казаннан Габдерәхим Утыз Имәни исемендәге «Ал Таң» мәчете имамы Ирек хәзрәт Җиһаншин һәм башкалар катнашкан[7][8][9]
Мәчет ~40 кешегә исәпләнгән, гомуми мәйданы 60 квадрат метрны тәшкил итә. Бер катлы итеп кирпечтән һәм яхшы сыйфатлы төзелеш материалларыннан төзелгән. Барлык уңайлыклар тудырылган тәһарәтханәсе бар. Газ, ут, су кертелгән[2].
Авылның ун елдан артык эшләүче имам-хатыйбы ― Рәсих хәзрәт Салихов[2].
Искәрмәләр[үзгәртү | вики-текстны үзгәртү]
- ↑ Югары Яхшый авыл җирлеге. 2019 елның 13 сентябрь көнендә архивланган. Җирлек турында
- ↑ 2,0 2,1 2,2 Актаныш мөхтәсибәтендә яңа мәчет ачылды. ТР МДН рәсми сайты, 28.08.2023
- ↑ История деревни Табанлы Куль. Татары без границ
- ↑ Табанлы Күл. Онлайн - энциклопедия Tatarica
- ↑ Табанлыкүл // Ф. М. Моратов, Й. Ә. Хуҗин. Актаныш – туган җирем. Икенче басма. К.: 2010, 310нчы бит.
- ↑ 6,0 6,1 Актаныш районының Табанлы кул авылында да яңа мәчет сафка баса. «Татарстан» Дәүләт телерадиокомпаниясе, 3.03.2023
- ↑ Актанышның Табанлыкүл авылында «Ак мәчет» ачылды. Татар-информ, 26.08.2023
- ↑ Ләйсән Газизова. Табанлыкүлдә “Ак мәчет” ачылды. Актаныш-информ, 26.08.2023
- ↑ Табанлыкүл авылының «Ак мәчет»ендә тәүге азан тавышы яңгырады.(үле сылтама) Актаныш муниципаль районы рәсми сайты, 28.08.2023
Сылтамалар[үзгәртү | вики-текстны үзгәртү]
- Открытие новой мечети.(үле сылтама) Фоторепортаж
- Актаныш районының Табанлы кул авылында да яңа мәчет сафка баса. «Татарстан» Дәүләт телерадиокомпаниясе, 3.03.2023 (видео, 2:15)
- Актаныш мөхтәсибәтендә яңа мәчет ачылды. ТР МДН рәсми сайты, 28.08.2023