Саба районы

Саба муниципаль районы

Үзисем	Саба районы
Өлкә	Татарстан
Нигезләнгән	1930 елның 10 августы
Башкала	Байлар Сабасы
район хакимияте башлыгы	Рәис Миңнеханов
башкарма комитет җитәкчесе	Таһир Шәрәфиев
Телләр	татар теле
Халык саны	31 800 кеше
Мәйдан	1097,7 км
Сайт	Рәсми сайт

Саба́ районы́ (рус. Сабинский район) — Татарстанның төньягында урнашкан муниципаль район.

1930 елның 10 августында төзелә. 1991 елда Теләче районы бүленеп чыга. Үзәге Байлар Сабасы.

Районда «Саба таңнары» газетасы чыга.

Район башлыгы — Татарстанның икенче президенты Рөстәм Миңнехановның энесе Рәис Миңнеханов.

Идарә-җир төзелеше

1. Байлар Сабасы шәһәр тибындагы поселогы
2. Арташ авыл җирлеге
3. Олы Кибәче авыл җирлеге
4. Олы Нырты авыл җирлеге
5. Олы Шыңар авыл җирлеге
6. Югары Симет авыл җирлеге
7. Яулаштау авыл җирлеге
8. Эзмә авыл җирлеге
9. Иштуган авыл җирлеге
10. Килдебәк авыл җирлеге
11. Курсабаш авыл җирлеге
12. Мишә авыл җирлеге
13. Мичән авыл җирлеге
14. Түбән Шытсу авыл җирлеге
15. Сатыш авыл җирлеге
16. Иске Икшермә авыл җирлеге
17. Тимершык авыл җирлеге
18. Шәмәрдән авыл җирлеге
19. Шекше авыл җирлеге
20. Юлбат авыл җирлеге

Атаклы кешеләр

• Шәүкәт Биктимеров, СССРның атказанган артисты.

Күренекле кешеләр

Саба ягы — күренекле шәхесләргә бай төбәк. Байлар Сабасы авылында композиторлар: Татарстанның һәм Русиянең атказанган сәнгать эшлеклесе, Татарстанның Габдулла Тукай исемендәге Дәүләт бүләге лауреаты Хөснулла Вәлиулла улы Вәлиуллин (1914—1993) һәм Аллаһияр Гарифулла улы Вәлиуллин (1924—1972); Татарстанның атказанган сәнгать эшлеклесе, әдәбият галиме, филология фәннәре докторы Азат Гыйльмулла улы Әхмәдуллин (1932), Татарстанның атказанган фән эшлеклесе, медицина фәннәре докторы Алмаз Әсхәт улы Ахунҗанов (1937) туып үскәннәр.

Байлар Сабасыннан ерак түгел Чәбия-Чүрчи авылында китапчылык белгече, библиограф, филология фәннәре докторы, Татарстанның атказанган фән эшлеклесе, Татарстанның Габдулла Тукай исемендәге Дәүләт бүләге лауреаты Әбрар Гыйбадулла улы Кәримуллин (1925—2000), Миңгәр авылында Татарстанның һәм СССРның халык артисты, Русиянең К.С.Станиславский исемендәге, Татарстанның Г. Тукай исемендәге Дәүләт бүләкләре лауреаты Шәүкәт Хәсән улы Биктимеров (1928), Йосыф-Алан авылында график, Татарстанның халык рәссамы, Татарстанның атказанган сәнгать эшлеклесе, Татарстан Республикасының Дәүләт флагы проекты авторы, Габдулла Тукай исемендәге Дәүләт бүләге иясе Тавил Гыйният улы Хаҗиәхмәтов (1936) туып үскәннәр.

Байлар Сабасы авылыннан 18 чакрым ераклыктагы Лесхоз бистәсендә дәүләт эшлеклесе, 1998 елдан Татарстан Республикасының президенты Рөстәм Нургали улы Миңнеханов (1957), аның бертуганнары техник фәннәр докторы, Татарстан Эчке эшләр министрлыгының Юл хәрәкәтләре иминлеге инспекциясе идарәсе башлыгы Рифкат Нургали улы (1955) һәм Саба районы хакимияте башлыгы Рәис Нургали улы Миңнехановлар(1961) туып үскән. Аларның әтиләре — Нургали Миңнехан улы Миңнеханов (1930—2001) — урманчылык белгече, Татарстанның һәм Русиянең атказанган урманчысы.

Чыганак

• Татар энциклопедия сүзлеге. — Казан, 2009.
• 2010 елның 22 маендагы 24-ТРЗ № Татарстан Республикасы Законы
• Сабинский район. Таланты района