Словениядә ислам
Словениядә ислам (словен. Islam v Sloveniji) — Словения территориясендә ислам дине. Рәсми мәгълүматлар буенча, Словения халкының (2 078 мең кеше) 3,60 % ы (74 мең кеше) — Ислам дине тарафдары (2020)[1].
Тарих
[үзгәртү | вики-текстны үзгәртү]
Ислам — Словениядә тарафдарлары саны буенча христианлыктан соң икенче урындагы дин. Словениянең 2 миллионнан артык халкының 3, 60 % ын мөселманнар тәшкил итә. Тарафдарлары саны буенча ислам католик диненнән соң икенче дин саналса да, ил территориясендә бер генә мәчет тә булмый. Илдә бердәнбер кечкенә мәчетне 1916 елда Лог шәһәрчегендә Босния мөселманнары төзегән булган. Беренче бөтендөнья сугышы тәмамланганнан соң, мәчетне җимергәннәр[2].
Словениядә мөселманнар саны 1960 һәм 1970-елларда Югославиянең башка республикаларыннан күченгән эчке мигрантлар исәбенә кисәк арта.
Оешмалар
[үзгәртү | вики-текстны үзгәртү]Словениядә берничә ислам дини оешмасы эшли: Словения Ислам җәмгыяте (словен. Islamska skupnost v Republiki Sloveniji) һәм Словениянең мөселман берләшмәсе (словен. Slovenska muslimanska skupnost). Ике оешма да хәнәфи мәзһәбе кысаларында эшли[3].
Мөселманнар милләте буенча
[үзгәртү | вики-текстны үзгәртү]| Милләт | Саны (кеше) | Процент |
|---|---|---|
| Босниялеләр | 38,923 | 73.64 % |
| Албаннар | 5,237 | 11.03 % |
| Словеннар | 1,506 | 3.17 % |
| Чегәннәр | 868 | 1.83 % |
| Каратаулылар | 634 | 1.33 % |
| Македониялеләр | 507 | 1.07 % |
| «Югославлар» | 55 | 0.12 % |
| Серблар | 53 | 0.11 % |
| Хорватлар | 30 | 0.06 % |
| Маҗарлар | 8 | 0.02 % |
| Пакистанлылар | 8 | 0.02 % |
| Башкалар | 2306 | 4.86 % |
| Барлыгы (2002 ел) | 47,488 | 100 % |
Мәчет
[үзгәртү | вики-текстны үзгәртү]- Төп мәкалә: Любляна мәчете
2004 елда Любляна муниципалитеты мәчет төзелешенә рөхсәт биргән, әмма халыкның католик өлеше протесты аркасында төзелешне берничә елга кичектерергә туры килгән[4]. Любляна мәчете — Словения ислам җәмгыятенең, мәчет төзелешенә каршы көчләрне җиңеп, күпьеллык тырышлыгы нәтиҗәсендә төзелгән мәчет. Төркия дин эшләре вакыфы (Diyanet) мәчет төзү өчен биш миллион евро торган җир участогы сатып алуда ярдәм күрсәткән. Төзелеш бәясе 12 миллион евро тәшкил итә. Әлеге сумманың 70% ын Катар әмиренең ислам фонды каплый[5][6].
Сылтамалар
[үзгәртү | вики-текстны үзгәртү]- Словения ислам җәмгыяте рәсми сайты 2019 елның 28 апрель көнендә архивланган.(слв.)
- Resnica-Haq(слв.)
Искәрмәләр
[үзгәртү | вики-текстны үзгәртү]- ↑ Muslim Population By Country 2020 2019 елның 1 сентябрь көнендә архивланган.(ингл.)
- ↑ Люблянада Словениянең беренче мәчете төзеләчәк. islamisemya.com, 8.05.2015(рус.)
- ↑ Slovenska muslimanska skupnost, archived from the original on 2019-04-28, retrieved 2020-02-27
- ↑ Люблянада беренче мәчет төзеләчәк(рус.)
- ↑ Slovenia PM lays stone on country's first mosque, The Sun Daily (15 September 2013). 2016 елның 4 март көнендә архивланган. архив күчермәсе, archived from the original on 2016-03-04, retrieved 2020-02-27
- ↑ Ваня Бркич. Denar za džamijo obljubil katarski emir. dnevnik.si, 19.10.2011
| Дәүләтләр | Австрия • Азәрбайҗан • Албания • Алмания • Андорра • Әрмәнстан • Беларусия • Бельгия • Болгария • Босния һәм Герцеговина • Бөекбритания (Англия, Төньяк Ирландия, Уэльс, Шотландия) • Греция • Гөрҗистан • Дания • Ирландия • Исландия • Испания • Италия • Казакъстан • Каратау • Кипр • Латвия • Литва • Лихтенштейн • Люксембург • Маҗарстан • Мальта • Молдова • Монако • Нидерланд • Норвегия • Польша • Португалия • Румыния • Россия Федерациясе • Сан-Марино • Сербия • Словакия • Словения • Төньяк Македония • Төркия • Украина • Финляндия • Франция • Хорватия • Чехия • Швейцария • Швеция • Эстония |
|---|---|
| Буйсынган территорияләр | Аланд утраулары • Гернси • Гибралтар • Джерси • Мэн утравы • Фарер утраулары • Шпицберген • Ян-Майен |
| Танылмаган һәм өлешчә танылган илләр | Абхазия • ДМҖ • ДХҖ • Косово • ЛХҖ • Көньяк Осетия • Таулы Карабаг • ТКТҖ |