Дүртөйле

Шәһәр Дүртөйле Ил РусияРусия Регион БашкортстанБашкортстан Район Дүртөйле районы Координаталар 55.483333, 54.86666755°29′00″т.к. 54°52′00″кч.о.  Халык саны 31899 кеше (2009) Почта индексы 452320

Дүртөйле (рус. Дюртюли, мар. Дöртыльö) шәһәре — Башкортостанның Дүртөйле районы үзәге. 2009 елның 1 гыйнварына 31899 кеше яши. Агыйдел елгасы буена урнашкан.

Тарихи мәгълүматлар

Дүртөйле торак урыны буларак беренче кат 1795 елда искә алына. Биредә ул вакытта Трапезников, Дьяконов, ике Чистяков яшиләр. Дүрт йорттан торган авылга якын-тирәдәге татарлар «Дүртөйле» дип ат кушканнар.

19 гасыр уртасында, уңайлы, Агыйдел суы өстендә урнашканга күрә Дүртөйле үсеп китә һәм су юлы белән йөкләрне ташу ноктасына әйләнә. Совет чорында район үзәге булып китә. Аның чикләре Татарстанга терәлә, 1935 елда Илеш районы җирләре бүлеп чыгарыла.

Социаль тармак

Шәһәрдә 6 тулы урта мәктәп, шул исәптән өч гимназия. 2005 елда, җирле халыкның мәнфәгатьләре белән исәпләшмичә, Дүртөйледә 260 урынга исәпләнгән интернат төрендәге Башкорт гимназиясе ачыла.

Тарих-төбәкне өйрәнү музее, 3 китапханә, 4 хастаханә, «Агыйдел» санаторий-профилакторие, «Венеция» санаторий-профилакторие, «Акчарлак»балалар җәйләве.

Икътисад

Җирле сәнәгать авыл хуҗалыгы чималын, нефть чыгару, төзелеш материаллары җитештерүгә, табигый газны кууга корылган.

Матбугат

“Юлдаш” иҗтимагый-сәяси газетасы. Татар һәм урыс телләрендә чыга. Җирле телевидение (МАУ ДЮРТЮЛИ - ТВ РБ) татар, башкорт һәм урыс теләрендә тапшырулар әзерли.

Демография

Ел Халык саны, меңнәрдә 1939 4,5 1959 4,8 1970 4,8 1989 25,3 2002 30,0 2008 31,2 2010 31,9

Милли состав: күпчелеге татарлар (26 мең), азмы-күпме күләмдә урыслар (2900 кеше), марилар (480 кеше). Башкортлар юк. Татар теле өстенлек итә.

Сылтамалар

• Совет муниципальных образований Республики Башкортостан.
• Совет муниципальных образований Республики Башкортостан.
• Сайт города Дюртюли
• Сайты Администраций муниципального района Дюртюлинский район