«Мастеровые» рус драма театры

Wikipedia — ирекле энциклопедия проектыннан ([http://tt.wikipedia.org.ttcysuttlart1999.aylandirow.tmf.org.ru/wiki/«Мастеровые» рус драма театры latin yazuında])
«Мастеровые»
рус драма театры
Русский драматический
театр «Мастеровые»

Театрның икенче (яңа) бинасы
Адрес Чулман проспекты, 77
Яр Чаллы, Татарстан, Россия байрагы Россия Федерациясе
Нигезләнгән 1975
Директор Армандо Диамантэ
(Альберт Нәбиуллин)
russdramteatr.ru

«Мастеровые» рус драма театры, рус. Русский драматический театр «Мастеровые»Яр Чаллы шәһәрендә эшләүче дәүләт театры, муниципаль мөхтәриятле мәдәният оешмасы. Спектакльләрен рус телендә уйный.
Баш режиссер (2021 елдан) — Андрей Шляпин.
Баш рәссам — Елена Сорочайкина, ТР атказанган мәдәният хезмәткәре (2001).
Театр директоры:

Тарих[үзгәртү | вики-текстны үзгәртү]

Театрның беренче бинасы

1970 еллар башында Чаллыда берничә үзешчән рус драма түгәрәге эшләп килә: «Лицедеи» (реж. Мищенко Н.М.), «Грэй» (реж. Куликова В.Н.), «Ника» (реж. Пархоменко Н.Ф.), «Мастеровые» (реж. Ю.М. Колесников).

1975 елның 8 маенда КамАЗның двигательләр заводы шефлыкка алган Яр Чаллының 19нчы мәктәбе базасында Мәскәү дәүләт мәдәният институтын тәмамлаган Юрий Колесников (?-1997) сугышта катнашкан шагыйрьләрнең әсәрләренә нигезләнеп, «Сугышта өтелгән юллар» спектаклен куя. Уйнаучылар барысы да яшь эшчеләр булганга, яңа оешкан театр студиясенең исеме дә «Мастеровые» (тат. Һөнәрчеләр) дип куела.

1976 елда «КамАЗ ритмнары» вокаль-инструменталь ансамбле (җитәкчесе К. Солдаткин) белән берлектә «Кеше» дигән музыкаль-шигъри тамаша әзерләнеп, КамАЗ заводларында күрсәтелә.

1978 елда шагыйрьләр Франсуа Вийон, Андрей Вознесенский, Евгений Евтушенко, Шандор Петефи әсәрләренә нигезләнеп, «Мәхәббәт турында диалоглар» шигъри спектакле, Александр Вампиловның «Провинциаль анекдотлар» пьесасы буенча спектакль әзерләнә.

1982 елдан театр студиясе КамАЗның мәдәният сараенда эшли. Александр Володинның «Ике ук» пьесасы куела. Режиссерлар булып Сергей Сочкин, Елена Некляева, Анатолий Яковлев, Юрий Быков эшли.

1993 елда КамАЗның двигательләр заводында янгын чыгу сәбәпле, театрны финанслау туктатыла.
«Ника» яшьләр театры, «Грэй», «Лицедеи» театр-студияләре эшчәнлеген туктата. Шәһәрдә рус драма театры сакланырга тиеш дип санаган «Мастеровые» коллективы тулай торакка күченеп, 75 кешелек зал һәм кечкенә сәхнә корып, эшләвен дәвам итә. Театрны 20 ел җитәкләгән беренче режиссеры вафат булгач, аны Анатолий Яковлев алмаштыра.

1990 еллар башында Санкт-Петербург һәм Казан мәдәният һәм сәнгать академияләренә махсус Чаллы театры өчен ике курс студентлар кабул ителә[1]. Театрда хәзер алар — төп көч.

2004 елда Яр Чаллы мэры Илдар Халиков театрга (Мольерның «Скапен хәйләсе» пьесасы буенча куелган спектакльгә) «химаячеләр десанты» оештыра. Шуннан кергән акчага Владимир Набоков пьесасы буенча «Вакыйга» спектакле куела.

2005 елда театр шәһәр үзәгенә, академик Рубаненко бульварындагы үзгәртеп корылган Интерклуб бинасына күченә. Спектакльләр 120 урынлы залда атнага өч көн — җомга, шимбә, якшәмбе[2] уйнала башлый. Сәнгать җитәкчесе итеп ГИТИС тәмамлаган В.Н. Ярюхин чакырыла.

Театр халыкара «Нәүрүз» театр форумында (Казан) катнаша (2012, 2014). Казанда, Алабугада, Әлмәттә гастрольләре була.

Сәнгать җитәкчеләре[үзгәртү | вики-текстны үзгәртү]

Куйган спектакльләре[үзгәртү | вики-текстны үзгәртү]

  • «Өйләнү» (Н.В. Гоголь)
  • «Геростратны онытырга» (Г. Горин)
  • «Бик гади вакыйга» (М. Ладо)
  • «Скапен хәйләсе» (Ж.Б. Мольер)
  • «Цилиндр» (Э. де Филиппе)
  • «Күңелле Роджер» (Д. Сәлимҗанов)
  • «Бөкреле ат» (П. Ершов)
  • «Кар патшабикәсе» (Е. Шварц)
  • «Түзем аккургаш солдатчык» (Г.Х. Андерсен)
  • «Щелкунчик» (Э.А. Гофман)
  • «Васса» (М. Горький) — режиссёр Пётр Шерешевский (Санкт-Петербург)
  • «Көлбикә» (Е. Шварц) — режиссёр Георгий Цнобиладзе (Санкт-Петербург)
  • «Кыргый» (А. Касон) - режиссёр Андрей Гаврюшкин (Санкт-Петербург)
  • «Көзге моңсулык» (Н. Некрасов) — режиссёр Юрий Николаенко (Мәскәү)
  • «Карл һәм Анна» (Л. Франк) һ.б.

Глазов шәһәренең «Парафраз» театры баш режиссеры Дамир Сәлимҗанов «Мастеровые» театры сәхнәсендә 2018 елда «Дуры мы, дуры» спектаклен [4], 2022 елда «Валентинов день» спектаклен [5] куйган.

Бүләкләре, мактаулы исемнәре[үзгәртү | вики-текстны үзгәртү]

  • 2011 Россия һәм чит ил рус театрларының халыкара «Дуслык күпере» фестивале (Йошкар-Ола) — «Иң яхшы спектакль», «Иң яхшы ир-ат роле» номинацияләрендә җиңүче дипломы.
  • 2016 «Тантана» премиясе («Иң яхшы актерлар ансамбле» номинациясендә) — Ольга Астафьева, Сергей Заболотский, Евгений Гладких, Александра Комлева, Марина Кулясова (Д. Линдси-Эберның «Кролик оясы» пьесасын сәхнәләштергән өчен, режиссёр — Денис Хөснияров).
  • 2020«Тантана» премиясе«Иң яхшы актерлар ансамбле» номинациясендә (Алексей Ухов, Владимир Губанов, Александра Олвина, Анна Дунаева — Леонид Зоринның «Варшавская мелодия» спектаклендәге Виктор, Геля рольләре өчен)[6][7]

Яңа бина[үзгәртү | вики-текстны үзгәртү]

Театрның дүрт катлы яңа бинасы Чулман проспектында, Тантаналар сарае янында урнашкан. Хай-тек стилендә башкарылган бинаның мәйданы 13 мең квадрат метр тәшкил итә [8]. Администрация һәм хезмәткәрләр өчен бүлмәләрдән тыш, театр тагын фотоостаханәне, тавыш яздыру студиясен, кече һәм зур (500 кешегә) залларны, күргәзмә залын, кафе, балалар бүлмәсен, видеотеканы һәм архивны үз эченә ала. Яңа бина 2022 елның 20 августында Шварцның «Гадәти могҗиза» (Обыкновенное чудо) спектакле белән ачыла [9][10]. Театрның иске бинасы Яр Чаллының LIBERTA яшь тамашачы театрына бирелергә мөмкин [11].

Искәрмәләр[үзгәртү | вики-текстны үзгәртү]

  1. Чаллы рус театры турында Кино-театр.ру сайтында
  2. Бүген атнага 6 көн уйнала. Ял көне — дүшәмбе.
  3. Армандо Диамантэ: «Я говорю: «Не превращайтесь в ДК КАМАЗа, ребята!». Бизнес-Онлайн, 4.11.2021
  4. Сергей Кочнев. Интервью режиссера театра «Парафраз» Дамира Салимзянова. 2023 елның 25 февраль көнендә архивланган. Реальное время, 03.05.2019(рус.)
  5. Дамир Салимзянов выпускает премьеру в театре «Мастеровые». news.myseldon.com, 25.02.2022(рус.)
  6. "Тантана" онлайн узды, төп җиңүчене билгеләмәделәр. Азатлык радиосы, 27.03.2020
  7. У «Мастеровых» - 3 номинации! «Мастеровые» рус драма театры сайты, 18.03.2020
  8. «Мастеровым» нужно втрое увеличить штат для работы в новом здании. chelny-biz.ru, 24.06.2022
  9. Новое здание театра «Мастеровые» в Набережных Челнах возведено наполовину. Татар-информ, 19.11.2021
  10. Эльза Кузнецова. Открытие театра Мастеровые в Челнах запланировано на 20 августа. Татар-информ, 24.06.2022
  11. Алексей Першин. Кому может достаться здание «Мастеровых» в Челнах. Челнинские известия, 13.12.2019

Сылтамалар[үзгәртү | вики-текстны үзгәртү]

Моны да карагыз[үзгәртү | вики-текстны үзгәртү]

Яр Чаллының истәлекле урыннары
Чаллы туграсы
Чаллы туграсы