Альфред Халиков

Альфред Хәсән улы Халиков
Туган	30 май 1929(1929-05-30) Кизләү авылы, Норлат-Октябрь районы
Үлгән	24 июль 1994(1994-07-24) (65 яшь) Казан
Милләт	татар
Ватандашлыгы	Совет Социалистик Җөмһүриятләр Берлеге  Русия
Альма-матер	Казан (Идел буе) федераль университеты
Һөнәре	тарихчы, археолог
Эш бирүче	Казан (Идел буе) федераль университеты
Бүләк һәм мөкәфәтләре	Татарстан Республикасының фән һәм техника өлкәсендәге дәүләт премиясе

Альфред Хәсән улы Халиков — күренекле археолог, тарихчы, тарих фәннәре докторы. Татарлар һәм Татарстан тарихы буенча күпсанлы фәнни хезмәтләр авторы.

Биография

1929 елның 30 маенда ТАССРның Кизләү авылында дөньяга килә. 1947 елда урта мәктәпне тәмамлаганнан соң Казан дәүләт университетының тарих-филология факультетына укырга керә. 1952 елда аны кызыл диплом белән тәмамлый.

1951 елда ук ул СССР Фәннәр Академиясенең Казан филиалына караган Телләр, әдәбият һәм тарих институтына эшкә урнаша. Анда ул гади фәнни хезмәткәрдән фәннәр докторына һәм профессорга кадәр юлны үтә. 30 елдан артык Институтта археология һәм этнография бүлеген җитәкли. Аның тырышлыгы белән университетта археология музее яңадан ачыла.

Дәрәҗәләр һәм бүләкләр

• Татарстан Фәннәр академиясенең мөхбир әгъзасы (1992);
• Татарстан АССР атказанган фән эшлеклесе (1974);
• Татарстан Республикасының фән һәм техника өлкәсендәге дәүләт премиясе лауреаты (1994, үлгәннән соң)

Хәтер

Казан шәһәр Думасының 2011 елның 3 мартындагы 21-4 санлы карары белән Киров дамбасыннан елга портына хәтле баручы исемез урамга Альфред Халиков исеме бирелгән.