Яшел Үзән механика көллияте

Wikipedia — ирекле энциклопедия проектыннан
Моңа күчү: навигация, эзләү
Яшел Үзән механика көллияте
Элеккеге исемнәр Яшел Үзән механика техникумы (1939-1992)
Нигезләү елы 1939
Урын Русия байрагы Татарстан байрагы Яшел Үзән
Адрес 422544 ТР Яшел Үзән, Карл Маркс урамы, 7нче йорт.
Сайт http://zelmex.ru/
Логотип Яшел Үзән МК лого.jpg
Көллият бинасы

Яшел Үзән механика көллияте, «Яшел Үзән механика көллияте» дәүләт автоном һөнәри белем учреждениесе[1] (рус. Зеленодольский механический колледж) — Татарстанның Яшел Үзән шәһәрендә (1928 елдан шәһәр тибындагы бистә, 1932 елдан шәһәр) урнашкан махсус урта белем бирүче уку йорты.
2015 елдан Машина төзелеше юнәлешендәге һөнәри белем бирүнең ресурс үзәге[2][3].
Гамәлгә куючы — Татарстан мәгариф һәм фән министрлыгы.
Директор (1988 елдан) — Виктор Семен улы Муханов, ТР атказанган укытучысы (2002).

Тарих[үзгәртү | вики-текстны үзгәртү]

1939 елда ССРБ сугыш кораллары халык комиссариаты фәрманы[4] белән Яшел Үзән механика техникумы буларак ачылган. Беренче директоры — К.С. Писарева. Беренче уку елында техникумга 160 студент кабул ителгән.

1965 елда техникумга янкормалары булган ике уку бинасы өстәлә (барысы өч була).

1992 елда РФ сәнәгать министрлыгы фәрманы[5] белән уку йорты көллият статусы ала.

2002 елда Серго исемендәге заводның (хәзерге POZIS/ПОЗИС компаниясе[6]) матди ярдәме белән яңа уку бинасы төзелә.

2006 елдан федераль, 2012 елдан республика милкендә.

2012 елда көллияткә Яшел Үзән шәһәренең 107нче һөнәри укуханәсе кушыла. Шәһәрнең Төньяк урамында көллиятнең тулай торагы бар.

Уку йорты эшләү дәверендә 20 меңнән артык белгеч (механиклар, программалаучылар, автомобильчеләр, икътисадчылар) әзерләгән.

Директорлар[үзгәртү | вики-текстны үзгәртү]

1939-1949 К.С. Писарева; 1949-1965 К.А. Алексеев; 1965-1988 В.Г.Романов; 1988 елдан В.С. Муханов.

Белгечлекләр[үзгәртү | вики-текстны үзгәртү]

2017-2018 уку елына Яшел Үзән механика көллиятенә ТР мәгариф һәм фән министрлыгы фәрманы[7] буенча 300 студент кабул ителә.

  • Аш-су остасы, кондитер (43.01.03 белгечлеге, 9нчы сыйныфтан соң 3 ел 10 ай укыйсы)
  • Судно төзүче- тимер судноларны ремонтлаучы (26.01.01 белгечлеге, 9нчы сыйныфтан соң 2 ел 6 ай укыйсы)
  • Авыл хуҗалыгы җитештерүе тракторчы-машинисты (35.01.03 белгечлеге, 9нчы сыйныфтан соң 2 ел 6 ай укыйсы)
  • Санак системаларында программалаштыру (09.02.03 белгечлеге, 9нчы сыйныфтан соң 3 ел 10 ай укыйсы)
  • Технология процессларын һәм җитештерүне автоматлаштыру (15.02.07 белгечлеге, 9нчы сыйныфтан соң 3 ел 10 ай укыйсы)
  • Автомобиль транспортын техник файдалану һәм ремонтлау (23.02.03 белгечлеге, 9нчы сыйныфтан соң 3 ел 10 ай укыйсы)
  • Операция эшчәнлегендә логистика (38.02.03 белгечлеге, 9нчы сыйныфтан соң 2 ел 10 ай укыйсы)[8]

Сылтамалар[үзгәртү | вики-текстны үзгәртү]

Моны да карагыз[үзгәртү | вики-текстны үзгәртү]

Искәрмәләр[үзгәртү | вики-текстны үзгәртү]