124нче санлы Ютазы һөнәри укуханәсе

Wikipedia — ирекле энциклопедия проектыннан ([http://tt.wikipedia.org.ttcysuttlart1999.aylandirow.tmf.org.ru/wiki/124нче санлы Ютазы һөнәри укуханәсе latin yazuında])
124нче санлы Ютазы һөнәри училищесы
Нигезләү елы 1983
Ябылу елы 2016
Урын Русия байрагыТатарстан байрагы Ютазы
Адрес 423952 ТР Ютазы районы Ютазы, Ленин ур., 9нчы йорт.
Сайт https://edu.tatar.ru/yutaza/org6232/page976308.htm
Уку йорты бинасы

124нче санлы Ютазы һөнәри училищесы, 2012-2016 елларда Бөгелмә аграр көллиятенең 1нче санлы филиалы (рус. Профессиональное училище № 124, филиал № 1 Бугульминского аграрного колледжа) — Татарстанның Ютазы районы Ютазы авылында 1983-2016 елларда эшләгән махсус урта белем бирүче уку йорты.

Тарих[үзгәртү | вики-текстны үзгәртү]

1983 елның октябрендә Баулы районы (1991 елдан Ютазы районы) Ютазы авылында 82нче санлы Баулы урта һөнәри училищесынең филиалы ачыла. Киң юнәлештәге тракторчы-машинист һәм «В», «С» категорияле машина йөртүчеләр әзерләүче беренче төркемгә 16 кеше кабул ителә.

1992 елның декабрендә мөстәкыйль 124нче санлы һөнәри укуханә оештырыла. Киң профильле станокчылар, пешекче-кондитерлар, авыл хуҗалыгы оешмалары бухгалтерлары, электр һәм газ белән эретеп ябыштыручылар әзерләнә башлый. Беренче директоры — Камил Гали улы Шаһалиев, 1995 елдан Павел Алексей улы Кулагин, 1999 елдан Ралит Мәрван улы Хәйдәров, 2013-2016 елларда Мансур Гайнулла улы Вәлиуллин.

2006 елдан Казан «Элекон» заводының бүлекчәсе булган «Электросоединитель» заводы өчен белгечләр (токарьлар) әзерләнә.

2012 елда 124нче санлы Ютазы һөнәри училищесы ТР министрлар кабинеты карары[1] белән Бөгелмә аграр көллиятенең 1нче санлы филиалы итеп үзгәртелә[2].

2016 елда ТР министрлар кабинет карары[3] белән филиал ябыла, укучылар уку елын Бөгелмә аграр көллиятендә укып бетерәләр[4].

Белгечлекләр[үзгәртү | вики-текстны үзгәртү]

2014-2015 уку елында Ютазы филиалына 105 укучы кабул ителгән[5]:

  • Аш-су остасы, кондитер — 35
  • Эретеп ябыштыручы( электр һәм газ белән) — 35
  • Авыл хуҗалыгы җитештерүе тракторчы-машинисты — 35

Сылтамалар[үзгәртү | вики-текстны үзгәртү]

Искәрмәләр[үзгәртү | вики-текстны үзгәртү]