Казан (Идел буе) федераль университеты

Wikipedia — ирекле энциклопедия проектыннан
(Казан дәүләт университеты битеннән юнәлтелде)
Моңа күчү: навигация, эзләү
Казан (Идел буе) федераль университет
Kazan State University from the 2 Korpus.jpg
Оештырылган 1804 (2009)
Ректор Илшат Гафуров
Урнашу Казан
Юридик адрес 420012, Русия, Татарстан, Казан, Кремль урамы, 18
Сайт http://kpfu.ru/

Координатлар: 55°47′26″ т. к. 49°07′18″ кч. о. / 55.7907083° т. к. 49.1219333° кч. о. / 55.7907083; 49.1219333 (G) (O) Казан (Идел буе) федераль университеты (рус. Казанский (Приволжский) федеральный университет, КФУ) — Казан шәһәренең югары уку йорты. Русиянең иң борынгы университетларының берсе. 1925 елдан 2009 елга кадәр В. И. Ленинның исемен йөртә. 2009 елның 21 октябрендә Русия президенты фәрманы буенча Казан Дәүләт Университеты нигезендә — Казан (Идел буе) федераль университеты оештырыла[1].

КФУ эченә Казан дәүләт финанс һәм икътисад институты, Татар дәүләт гуманитар-педагогика университеты һәм ТР Президенты буендагы дәүләт һәм муниципаль хезмәте академиясе кертелә. Реорганизация нәтиҗәсендә, элекке КДУның факультетларының бәгъзеләре институт статусын ала, кайберәүләте кушылган ЮУЙлары белән берләштерелә.

Русия Федерациясе халыкларының аеруча кыйммәтле мәдәни мирас объектлары җыентыгына кертелгән. Университет, Астрономия, Лобачевский һәм Профессор Нужин урамнары арасындагы кварталын биләп торучы Казан университетының мигъмари ансамбле Русиянең тарихи-мәдәни, шәһәр төзү һәм мигъмари һәйкәле, Казанның истәлекле урыны булып санала.

Кампус урнашуы[үзгәртү]

Казан федераль университеты 223 360,9 м² уку-лаборатор мәйданнарына, 699 272,82 м² (614 объект) милек комплексы мәйданнарыныа һәм 364,3 га (76 кишәрлек) җир комплексы мәйданнарына ия[2].

Университет объектлары Татарстанда (Казан, Яшел Үзән, Яр Чаллы, Алабуга, Лениногорск, Алексеевск, Биектау, Лаеш, Тукай Югары Ослан, Яшел Үзән районы), Карачай-Чиркәсиядә (Зеленчук районы), Карелиядә (Лоухи районы), Самар өлкәсендә (Тольятти) һәм Мари Илдә (Волжск районы) урнашалар[2].

Университетның төп уку биналары комплексы, ягъни университет шәһәрчеге, Казанның Вахитов районында, шәһәрнең үзәк өлешендә, Казан Кирмәненнән бер километрда, Тукай мәйданы метро станциясеннән ярым километрда урнашкан.

Студентларның тулай тораклары Совет районының Кызыл Позиция урамы тирәсендә һәм Идел буе районында, Универсиада авылының беренче ике кластерында тупланганнар. Гомум алганда, университет тулай тораклары 13 000 урынга исәп тота, шул исәптә Универсиада авылында 7000 урын (20 урын, мәйданы 212 000 м²)[2].

Институтлар һәм факультетлар[үзгәртү]

  • Фундаменталь медицина һәм биология факультеты
  • Экология һәм табигатьтән файдалану институты
  • Геология һәм нефть-газ технологияләре институты
  • Тарих институты
  • Н. И. Лобачевский ис. математика һәм механика институты
  • Физика институты
  • А. М. Бутлеров ис. химия факультеты
  • Юридик факультеты
  • Идарә итү һәм территориаль үсеш институты
  • Мәгълүмати технологияләр һәм мәгълүмати системалар югары мәктәбе
  • Хисаплау математикасы һәм мәгълүмати технологияләр институты
  • Филология һәм мәдәниятара багланышлар институты
  • Массакүләм багланышлар һәм иҗитмагый фәннәр институты
  • Икътисад һәм финанслар институты
  • Халыкара мөнәсәбәтләр, тарих, һәм Шәрекъне өйрәнү институты
  • Педагогика һәм өйрәнү институты
  • Фәлсәфә факультеты
  • Тел институты

Моны да карагыз[үзгәртү]

Искәрмәләр[үзгәртү]

  1. http://www.azatliq.org/content/article/1857671.html
  2. 2,0 2,1 2,2 Цифры и факты // Сайт Казанского (Приволжского) федерального университета.