Дуван районы

Дыван районы

Байрак Илтамга
Башкала	Мәсәгуть
Халык саны	36 915 (1939), 35 321 (1959), 34 169 (1970), 30 495 (1979), 29 636 (1989), 32 016 (2002), 31 068 (2010), 31 019 (1 гыйнвар 2018)
Нигезләнгән	20 аугыс 1930
Җәгърафия
АТБ	Башкортстан
Мәйдан	3,243 дүрткел киламитер
Координатлар	55.5322°N 58.255°E

Дуван районы (рус. Дуванский район) — Башкортстанга керүче муниципаль район. Административ үзәге Мәсәгуть авылы булып тора.

Дуван районы Башкортстанның төньяк-көнчыгыш почмагында урнашкан. Районның гомуми мәйданы 3 246 км² тәшкил итә. Дуван районы 1930 елның 20 авгусында барлыкка килә. Район үзәге Мәсәгуть Уфа шәһәреннән 233 км еракта урынлашкан. 1995 елда халык саны – 31,1 мең кеше (1970-34,6, 1979-30,5, 1989-29,9 мең кеше). Халыкның уртача тыгызлыгы — 1 км-га 9 кеше. Дуван районы күпчелек халкы (63%) – урыслар, бер тирә башкортлар һәм татарлар яши. Арада мордвалар да бар. Районда 52 авыл бар. Шуларның иң зурлары Мәсәгуть (1989-8,3 мең кеше), Дуван (3,8мең), Ярославка (1,8мең).

Географик белешмә

Районның көнбатыш һәм үзәк өлеше биеклеге 517 метр булган чыршы һәм ак чыршы урманы белән капланган. Уфа киң яйласында урынлашкан, көнчыгыш өлеше утрау-утрау булып каен, каен-карагай урманы үскән Йөрүзән-Әй убалы тигезлегенә карый. Климаты уртача салкын. Дуван районының гомум мәйданының 30 проценты — каен урманнары.

Районда табигый газ, төзелеш өчен кирәкле чималлар табыла. Табигать ядкәрләре: Тазтүбә тавы (шыган), Сабакай тау тишеге, Арый авылы янындагы кыргый дала чиясе куаклыклары. Халык игенчелек, дуңгызчылык, мөгезле эре терлек үрчетү, бәрәңге үстерү, ит-сөт җитештерү белән шөгыльләнә. Дуван лесхозы-БР-да иң зур урман хуҗалыкларының берсе. Төп агач әзерләүче-Аскын леспромхозы.

Тарихи белешмә

Иске Хәлил авылы тирәсендә VIII-IX гасырга караган курганнар табылган. Шул җирдән Европадан Азияга таба сәүдә көньяктан юлы төньякка үткән. Район территориясеннән Казан ханлыгыннан Себер ханлыгына юл үткән. Бу җирләрдә татар авыллары барлыкка килгән. Өлкенде авылының тарихы да шул көннәргә барып тоташадыр. "Катерина" юлын хәзер Бөре-Зылатаус тракты дип йөртәләр. Таcтүбә, Мәтәле, Дуван кебек зур авылларга урыслар килеп урнашкан, ә Кызылъяр дигән мишәрләр авылы урынын мордвалар сатып алган, бүгенге көндә ул Михайловка дип атала.

Демографик хәл

Район халкының милли составы

Милләт	Җанисәп 1970	Җанисәп 1989	Җанисәп 2002
урыслар		64,4%	22 293 / 63,38%
башкортлар	4 843 / 14.2%	5 447 / 18.2%	6 457 / 20,17
татарлар	4 387 / 12.8%	4 240 / 14.2%	4 249 / 13,27%
мордвалар			526

Татар авыллары – Өлкенде, Елантуп

Демография

Халык саны

1939	1959	1970	1979	1989	2002	2010	1 гый 2018
36 915	↘35 321	↘34 169	↘30 495	↘29 636	↗32 016	↘31 068	↘31 019

Танылган шәхесләр

• Әхмәт Ерикәй — татар шагыйре.
• Тимер Йосыпов — башкорт язучысы.
• Низам Карипов - язучы, драматург. БАССР язучылар берлеге рәисе, «Агыйдел» журналы баш мөхәррире (1939-1941). Бөек Ватан сугышында һәлак булган (1942).

Икътисад

Район биләмәсендә авыл хуҗалыгы продукциясе җитештерүче 46 предприятие, шул исәптән 24 җитештерү кооперативы, 19 крестьян-фермер хуҗалыгы бар.

Мәгариф

Районныњ мәгариф челтәрендә бүген гимназия ћәм лицей, 13 урта, 5 төп, 6 башлангыч гомуми белем бирү мәктәбе, 25 мәктәпкәчә яшьтәге тәрбия учреждениесе, 4 өстәмә белем бирү учреждениесе исәпләнә.

Дуван районы үзәгендә Мәсәгуть педагогия колледжы, Дуван аграр техникумы эшләп килә. Алар икесе дә республиканыњ төньяк-көнчыгыш районнары өчен махсус белемле укытучы, агроном, механик, зоотехник, ветеринар белгечләре әзерли. Республика башкорт гимназия-интернаты эшли.