Лилия Садриева (1962)
| Лилия Садриева | |
|---|---|
 | |
| Тугач бирелгән исеме: | Лилия Яссир кызы Садриева |
| Туу датасы: | 14 апрель 1962 (61 яшь) |
| Туу урыны: | СССР, РСФСР, ТАССР, Мөслим районы, Дусай |
| Милләт: | татар |
| Ватандашлык: |  СССР→ РФ |
| Эшчәнлек төре: | мәдәният хезмәткәре |
| Иҗат итү еллары: | 1986―х. в. |
| Юнәлеш: | публицистика, шигърият |
| Жанр: | шигырь, җыр |
| Иҗат итү теле: | татар |
| Дебют: | «Өр-яңа яз» (2002) |
| Бүләкләр: | Татарстанның атказанган мәдәният хезмәткәре |
Лилия Садриева, Лилия Яссир кызы Садриева (1962 елның 14 апреле, СССР, РСФСР, ТАССР, Мөслим районы, Дусай) ― мәдәният хезмәткәре, шагыйрә, Татарстан Язучылар берлеге әгъзасы (2016 елдан). Мөслим районы «Үзәкләштерелгән китапханә» директоры (2011 елдан). БТК Мөслим бүлеге җитәкчесе. Татарстанның атказанган мәдәният хезмәткәре (2012).
Тәрҗемәи хәле[үзгәртү | вики-текстны үзгәртү]
1962 елның 14 апрелендә Татарстан АССР Мөслим районы Дусай авылында җиде балалы гаиләдә туган. Әтисе Яссир, әнисе Фәридә Котдус кызы (Нәҗметдинова) – Халыклар Дуслыгы орденлы укытучы. Туганнары: Рәсим (Расыйм), Ләйлә, Рәсинә, Рәҗибә (иксесе дә бала вакытта вафат), Әлфия, Гөлфия. Лилия Яссир кызы Дусайда башлангыч, Баекта урта мәктәп, Казан дәүләт мәдәният институтының режиссерлар әзерли торган бүлеген тәмамлаган. Хезмәт юлын Баек мәдәният йортында сәнгать җитәкчесе булып башлаган. Район үзәге Мөслимгә күчкәч, 1985―1986 елларда «Авыл утлары» газетасында корреспондент, 1986―2006 елларда Мөслим районы мәдәният бүлегендә инспектор, әйдәүче белгеч булып эшләгән. 2005 елның октябрендә Мөслим авыл җирлегенә депутат итеп сайлангач, Мөслим авыл җирлеге башлыгы урынбасары итеп билгеләнгән. 2011 елдан ― Мөслим районы «Үзәкләштерелгән китапханә» муниципаль учреждениесе директоры[1][2].
Иҗаты[үзгәртү | вики-текстны үзгәртү]
Шигырьләре районның «Авыл утлары», республиканың «Ватаным Татарстан», «Татарстан яшьләре» газеталарында, «Сөембикә», «Аргамак» журналларында дөнья күргән. Шигырьләрендә туган җиргә, хезмәт халкына, табигатькә мәдхия җырлана. 600 дән артык шигырь, 20 җыр (мәсәлән, «Мөслимем ― гүзәл илем», Ганс Сәйфуллин көе; «Батырлар шәһәре», Миргарифан Ханнанов көе; «Белми дисеңме әллә», Илһам Хисмәтуллин көе[3]) сүзләре, күп санлы сценарийлар авторы. 2007 елда «Зөлфәт» исемендәге яшь иҗатчылар клубы оештырган.
Китаплары[үзгәртү | вики-текстны үзгәртү]
- 2002 ― «Өр-яңа яз»
- 2012 ― «Күңеләр чәчәк тели»
Бүләкләре, мактаулы исемнәре[үзгәртү | вики-текстны үзгәртү]
- 2005 – «Казанның 1000 еллыгы истәлегенә» медале
- «Мәдәният өлкәсендәге казанышлар өчен» күкрәк билгее
- 2012 – Татарстанның атказанган мәдәният хезмәткәре
Гаиләсе[үзгәртү | вики-текстны үзгәртү]
Ире Фиргать Садриев, кызлары: Лидия, Алия.
Искәрмәләр[үзгәртү | вики-текстны үзгәртү]
- ↑ Садриева Лилия. ТР Язучылар берлеге
- ↑ Муслюмовская центральная библиотека. Историческая справка(рус.)
- ↑ Белми дисеңме әллә. Татар җырлары
Әдәбият[үзгәртү | вики-текстны үзгәртү]
- Мөҗәһит Әхмәтҗанов. Лилия дигән шагыйрә бар // М. Әхмәтҗанов. Данлы Дусай. К.: «Ихлас», 2018, 292―297нче бит.
- Моң бишегем (төзүчесе Флүр Баһаутдинов). К.: «Мәгариф», 2009, 28―29нчы бит. ISBN 978-5-7761-1843-2
Сылтамалар[үзгәртү | вики-текстны үзгәртү]
- Лилия Садриева. 2021 елның 16 апрель көнендә архивланган. Мөҗәһит Әхмәтҗанов сайты
- Лилия Садриева. 2021 елның 6 декабрь көнендә архивланган. Әдипләр (Әхмәт Дусайлы) порталы
- Садриева Лилия. ТР Язучылар берлеге
