Рафаил Бакиров

Wikipedia — ирекле энциклопедия проектыннан ([http://tt.wikipedia.org.ttcysuttlart1999.aylandirow.tmf.org.ru/wiki/Рафаил Бакиров latin yazuında])
Навигациягә күчү Эзләүгә күчү
Рафаил Бакиров
Төп мәгълүмат
Туу көне

7 июль 1946(1946-07-07) (72 яшь)

Туу урыны

Магниттау

Эшчәнлек еллары

Дәүләт

Русия байрагы

Һөнәрләр

композитор

Кораллар

баян

Жанрлар

җыр, сюита, баллада

Хезмәттәшлек

Магниттау консерваториясе

Бүләкләр

РФ атказанган сәнгать эшлеклесе
ТР атказанган сәнгать эшлеклесе

Милләт

татар

Рафаил Бакиров, Рафаил Мулланур улы Бакиров, рус. Бакиров Рафаил Мулланурович (1946 елның 7 июле, Магниттау) — композитор, РФ һәм Татарстан (2000) композиторлар берлекләре әгъзасы, РФ һәм Татарстанның (1997) атказанган сәнгать эшлеклесе, ТАССР атказанган мәдәният хезмәткәре (1987).

Тәрҗемәи хәле[үзгәртү | вики-текстны үзгәртү]

1946 елның 7 июлендә Магниттауда туган. Баян классы буенча Магниттау 1нче санлы балалар музыка мәктәбен, Фәрганә музыка укуханәсен, читтән торып Казан дәүләт консерваториясенең халык уен кораллары бүлеген (1970, Ильяс Шәрипов классы) тәмамлаган. 1993-1995 елларда Казан консерваториясендә композиция буенча стажировка үткән.

Хезмәт юлы[үзгәртү | вики-текстны үзгәртү]

  • Үзбәкстан ССРның Маргелан шәһәре балалар музыка мәктәбе педагогы.
  • 1966-1971 елларда Магниттау 65нче урта мәктәбе каршындагы кичке музыка мәктәбендә укыта.
  • 1971 елдан М.И. Глинка исемендәге Магниттау музыка укуханәсендә (хәзер Магниттау дәүләт консерваториясе, МДК) баян классы буенча укыта, 1998-2015 елларда МДК халык уен кораллары кафедрасы профессоры. 2015 елдан пенсиядә [1]
  • 1971-1996 елларда Магниттауда Д.Н. Мамин-Сибиряк исемендәге Төзүчеләр мәдәният йорты каршында «Яшьлек» татар-башкорт халык җыр һәм бию ансамблен оештыручы һәм алыштыргысыз җитәкчесе. 1981 елда ансамбльгә «халык коллективы» исеме бирелә [2].
  • 1989 елдан Магниттау дәүләт консерваториясе каршындагы «Айгөл» музыка ансамблен оештыручы һәм җитәкчесе.
  • 1994-1997 елларда Магниттау татар мәдәни үзәге җитәкчесе.

Иҗаты[үзгәртү | вики-текстны үзгәртү]

100 дән артык татар һәм башкорт халык җырын баян, халык уен кораллары ансамбле, оркестр өчен эшкәртә. Магниттау, Чиләбе, Троицк шагыйрьләре һәм Резедә Вәлиева, Мәхмүт Хөсәен сүзләренә язган 120 җыр авторы.

Төп әсәрләре[үзгәртү | вики-текстны үзгәртү]

  • 1985 Болгар турында симфония-легенда (симфоник оркестр өчен баллада, 4 өлештән).
  • 1985 Татар триптихы (балалайка һәм халык уен кораллары оркестры өчен).
  • Баян өчен баллада
  • Баян өчен 3 балалар сюитасы.
  • Баян һәм оркестр өчен концерт.
  • 1996 Халык уен кораллары ансамбле өчен 2 сюита.
  • 2001 Халык уен кораллары ансамбле өчен мөнәҗәт һ.б.

Китаплары[үзгәртү | вики-текстны үзгәртү]

20 авторлык җыентыгы,60 мәкалә,очерк авторы. Музыка әсәрләре Казан, Магниттау, Киев, Мәскәү, Уфа, Чиләбе нәшриятларында басылган.

  • Яшь баянчы. Ноталар җыентыгы. Казан: ТКН, 1985.
  • Уралда туган моңнар. Җырлар. Магниттау: «Магнит», 1992.
  • Яшь баянчы. Музыка мәктәбенең өлкән сыйныфларында укучы балалар өчен. Магниттау: «Магнит», 1992.

Бүләкләре, мактаулы исемнәре[үзгәртү | вики-текстны үзгәртү]

  • Русиянең атказанган сәнгать эшлеклесе
  • 1997 Татарстанның атказанган сәнгать эшлеклесе
  • 1987 Татарстан АССР атказанган мәдәният хезмәткәре

Гаиләсе[үзгәртү | вики-текстны үзгәртү]

Хатыны Суфия (Мохитова).

  • Кызы Дилә (Канбекова), улы Ренат.

Кызыклы факт[үзгәртү | вики-текстны үзгәртү]

Р.М. Бакиров — Магниттауда беренче Сабантуй (1974 ел), Нәүрүз (1991 ел) бәйрәмнәрен оештыручыларның берсе [3] .

Әдәбият[үзгәртү | вики-текстны үзгәртү]

  1. Татар баянчылары (төзүчеләре Нияз Акмал, Кирам Сатиев). Казан: «Мәгариф», 1996. ISBN 5-7761-0446-7

Сылтамалар[үзгәртү | вики-текстны үзгәртү]

Моны да карагыз[үзгәртү | вики-текстны үзгәртү]

Искәрмәләр[үзгәртү | вики-текстны үзгәртү]