Вәсим Әхмәтшин

Wikipedia — ирекле энциклопедия проектыннан ([http://tt.wikipedia.org.ttcysuttlart1999.aylandirow.tmf.org.ru/wiki/Вәсим Әхмәтшин latin yazuında])
Навигациягә күчү Эзләүгә күчү
Вәсим Әхмәтшин
Төп мәгълүмат
Тулы исеме

Вәсим Васил улы Әхмәтшин

Туу көне

25 август 1951(1951-08-25) (68 яшь)

Туу урыны

ТАССР, Сарман районы, Сарман

Эшчәнлек еллары

Дәүләт

ССРБFlag of the Soviet Union.svg ССРБ
Русия байрагы РФ

Һөнәрләр

композитор, педагог

Кораллар

баян, фортепиано

Жанрлар

җыр, спектакльләргә көй, мюзикл

Коллективлар

«Нократ» ВИА (Мамадыш, 1980)

Милләт

татар

Вәсим Әхмәтшин, Вәсим Васил улы Әхмәтшин (1951 елның 25 августы, ТАССР, Сарман районы, Сарман) — үзешчән композитор, җырлар, романслар авторы, музыка укытучысы. Татарстанның атказанган сәнгать эшлеклесе (1996), Татарстанның атказанган мәдәният хезмәткәре. 200дән артык җыр, татар театрлары куйган 35 спектакльгә язылган музыка авторы [1]. РФ театр әһелләре берлеге әгъзасы.

Тәрҗемәи хәле[үзгәртү | вики-текстны үзгәртү]

1951 елның 25 августында Татарстан АССР Сарман районы үзәге Сарман авылында музыка сөюче ишле гаиләдә бишенче бала булып туган. Әтисе — Васил Әхмәтшин, агроном, скрипкада уйнаучы, әнисе — Ольга Никита кызы Демьянова, урыс һәм татар җырларын башкаручы. Өлкән абыйсы Валерий гитарада, кече абыйсы Виктор мандолинада, Вәсим үзе думбырада һәм гармунда уйныйлар. Сарман урта мәктәбенең 8 сыйныфын (1966), Әлмәт музыка укуханәсенең (хәзерге Әлмәт музыка көллияте)[2] торба классын (1970, укытучысы — тромбонда һәм виолончельдә уйнаучы Ринат Шаһиев), читтән торып, Казан мәдәният институтын (1988) тәмамлый. 1971-1973 елларда хәрби хезмәттә була.

Хезмәт юлы[үзгәртү | вики-текстны үзгәртү]

В. Әхмәтшин — «Нократ» ВИА җитәкчесе (сулдан икенче, 1981)

1970 елда, Әлмәт музыка укуханәсен тәмамлагач, Сарман балалар музыка мәктәбендә (хәзерге Сарман сәнгать мәктәбе) укыта башлый.

1973-1976 елларда Минзәлә шәһәре балалар музыка мәктәбе укытучысы булып эшли һәм район мәдәният йорты каршында балалар һәм зурлар тынлы оркестрлары белән җитәкчелек итә.

1976-1984 елларда Мамадыш шәһәре балалар музыка мәктәбе укытучысы һәм шәһәрдә 1976 елда төзелгән яңа мәдәният йортының «Нократ» (рус. Нухрат) вокаль-инструменталь ансамбле җитәкчесе[3].

1984 елдан Чаллыда яши һәм эшли: 3нче балалар музыка мәктәбе укытучысы, 1999-2000 елларда 13нче татар сәнгать мәктәбе директоры, 3нче музыка мәктәбе (Биклән мәктәбендә) җитәкчесе[4].

Иҗаты[үзгәртү | вики-текстны үзгәртү]

Минзәләдә оештырган татар халык уен кораллары ансамбле репертуарындагы «Сабантуй иртәсе» музыкаль композициясе Татарстан радиосы «алтын» фондына керә.

1976-1977 елларда композитор буларак беренче адымнарын ясый һәм төрле елларда 200дән артык җыр яза. Мамадышта беренче язган җырлары — «Кошларым» (Мамадыш шагыйрәсе Нәкыя Йосыпова сүзләренә, Әлфия Авзалова репертуары), «Ана турында баллада» (Чәчкә Хөснетдинова), «Аңлашу» (Рәдиф Гаташ) һ. б.

1980-1990 елларда «Гашыйклар тавында» (Илдар Юзеев сүзләренә), «Ялгыз гармун» (Фаил Шәфигуллин), «Татарлар, берләшегез» (Айдар Хәлим) һ. б. җырлары популяр була. Күп кенә җырларын, беренче булып, хатыны — Чаллының Сара Садыйкова исемендәге концерт залы җырчысы, Татарстанның атказанган мәдәният хезмәткәре Асия Әхмәтшина башкара.

Татар театрлары өчен 35 спектакльгә музыка яза: «Юллар ярда өзелә», «Сафиулла» (Әлмәт театры), «Өй салуның ние бар», «Безнең авыл Робинзоны» (Минзәлә театры), Ырынбур, Чаллы драма театрлары һәм Чаллы курчак театрының күп кенә спектакльләренең һ. б. көй авторы.

«Изге Болгарда» кинофильмының («Ак бүре» киностудиясе, Чаллы) музыка авторы.

Балалар өчен «Әтәч нигә кычкыра» мюзиклы (Зөләйха Минһаҗева либреттосы) яза.

Чаллының 3нче, 8нче балалар музыка мәктәпләрендә оештырган тынлы оркестрлар өчен үзе инструменталь әсәрләр, җырлар (мәсәлән, Галимҗан Латыйп сүзләренә «Барган идем урманга», Илдар Юзеев сүзләренә «Һәй, һәй») иҗат итә.

«Татарча да яхшы бел» дәреслеге өчен фонохрестоматия (компакт-дискта) төзүче төркем җитәкчесе була.

Бүләкләре, мактаулы исемнәре[үзгәртү | вики-текстны үзгәртү]

Гаилә хәле[үзгәртү | вики-текстны үзгәртү]

Хатыны, җырчы Асия Әхмәтшина белән

Хатыны җырчы Асия Әхмәтшина, Минзәлә районы Бакчасарай авылыннан.

уллары Эдуард, Мусоргский исемендәге Ленинград музыка укуханәсен тәмамлаган саксофончы, хәзер Хьюстон (АКШ) джаз-оркестрында уйный[5];
уллары Айдар, Казан консерваториясен тәмамлаган композитор, музыкант[6].

Әдәбият[үзгәртү | вики-текстны үзгәртү]

  1. Сарман (төзүчесе Тәлгат Исмәгыйлов). Казан: «АБАК» нәшрияты, 1998. ISBN 5—89423—067
  2. Сарман районы энциклопедиясе (төзүчесе Дамир Гарифуллин). 1нче китап. Яр Чаллы: «Идел-йорт» нәшрияты, 2000.

Сылтамалар[үзгәртү | вики-текстны үзгәртү]

Моны да карагыз[үзгәртү | вики-текстны үзгәртү]

Искәрмәләр[үзгәртү | вики-текстны үзгәртү]